sotaa rahaa honTon pe tabassum kaa saveraa — Siraj Lakhnavi

Takraaun kyuun zamaane se kyaa faaeda 'siraaj'
khud apne raaste se haTaa jaa rahaa huun main

na mohtasib ki khushaamad na mai-kade kaa tavaaf
khudi mein mast huun apni bahaar mein gum huun

qafas bhi bigDi hui shakl hai nasheman ki
ye ghar jo phir se sanvar jaae aashiyaan ho jaae

har ashk-e-surkh hai daamaan-e-shab mein aag kaa phuul
baghair shama ke bhi jal rahe hain parvaane

abhi rakkhaa rahne do taaq par yunhi aaftaab kaa aaina
ki abhi to meri nigaah mein vahi meraa maah-e-tamaam hai

diyaa hai dard to rang-e-qubul de aisaa
jo ashk aankh se Tapke vo daastaan ho jaae

ye raat yunhi basar ho gai to kyaa hogaa
tire baghair sahar ho gai to kyaa hogaa

jaam-ba-dast-o-mai-ba-jaam yuun hi guzaar subh-o-shaam
ziist ki talkhiyaan mudaam pi ke pilaa ke bhuul jaa

kaash sotaa hi rahun main ki nahin chaahtaa dil
har sahar uTh ke rukh-e-gabr-o-musalmaan dekhun

niind aati nahin to subah talak
gard-e-mahtaab kaa safar dekho

shab-e-daraaz kaa hai qissa mukhtasar 'kaifi'
hui sahar ke ujaalon mein gum charaagh ki lau

saugand hai hasrat mujhe ejaaz-e-sukhan ki
ye sehr hain jaadu hain na ashaar hain tere