aur kuchh der mein divaana sanbhal jaaegaa — Abdussamad Khateeb

"mah-o-nujum ki surat safar mein rahte hain ki shab-gazida talaash-e-sahar mein rahte hain hamaaraa aql se kuchh rabt hi nahin jaise junun-asir hain dil ke asar mein rahte hain na koi chhat hai na divaar hai na darvaaza ye moajiza hai ki ham aise ghar mein rahte hain vafaa-talab to bahut hain vafaa-shiaar nahin ye kis jahaan mein hain ham kis nagar mein rahte hain bichhaD ke donon hi aabaad hain khudaa shaahid vo apne ghar mein to ham apne ghar mein rahte hain unhin se taazgi-e-zehn hai nasib mujhe gulaab chehre hamesha nazar mein rahte hain jahaan se rabt na koi taalluq apnaa 'khatib' ham ahl-e-ishq sadaa khvaab-asar mein rahte hain"

"ye baat sach hai mujhe 'ishq par ghurur nahin ye teraa husn miri dastaras se duur nahin har ek shakhs hai apni anaa ke nashshe mein hai kaun aisaa jo apni khudi mein chuur nahin dil-o-nigaah ki gahraai naapne vaalo kalim tum bhi nahin aur ham bhi tuur nahin ye khush-bayaani ye tarz-e-sukhan ye husn-e-khayaal khudaa ki den pe mujh ko koi ghurur nahin 'khatib' tum ko milegi kuchh aur rusvaai agar kahoge ki meraa koi qusur nahin"

"ahl-e-dil saada tabi'at hain ye kyaa karte hain husn vaalon se bhi ummid-e-vafaa karte hain kitne ehsaan-faraamosh hain duniyaa vaale jin pe ehsaan karo vo hi daghaa karte hain haae afsos ki ye ahl-e-siyaasat afsos baap ko beTe se pal-bhar mein judaa karte hain aish mein hote hain rangini-e-duniyaa ke asiir log mushkil mein faqat yaad-e-khudaa karte hain dar-ba-dar hote hain tahzib-o-tamaddun vaale be-adab shaan se duniyaa mein rahaa karte hain tum raho shaad zamaane mein ba-har-lamha 'khatib' ham to bas maut ke aane ki du'aa karte hain"

"meri aankhon mein jhijakte hue khvaabon jaisaa kaun hai 'aks ye kis kaa hai hijaabon jaisaa guftugu us ki mohabbat ki ‘ibaarat jaise zaaviya us ke labon kaa hai kitaabon jaisaa jo bhi suntaa hai vahi hosh ganvaa detaa hai us kaa andaaz-e-takallum hai rabaabon jaisaa aaj suraj ki tarah hai sar-e-manzar raushan meri aankhon mein jo ik shakhs thaa khvaabon jaisaa us ke aariz pe hai ik mauj hijaabon jaisi us ki aankhon mein hai ik rang sharaabon jaisaa mahkaa mahkaa saa ye maahaul bataataa hai 'khatib' anjuman mein koi chehra hai gulaabon jaisaa"

"dasht-e-tanhaai mein jalne ki sazaa jaane hai kyaa hai bartaav havaaon kaa diyaa jaane hai main use dil ke dhaDakne kaa sabab kahtaa huun aur ik vo ki mujhe khud se judaa jaane hai be-zamiron kaa bhi jiinaa koi jiinaa hai ki bas lazzat-e-zist to paaband-e-anaa jaane hai main ik aasuda-e-gham huun sar-e-raah-e-hasti juz mire kaif-e-alam kaun bhalaa jaane hai tum jo is raah se guzroge to mil jaaungaa meri manzil miraa naqsh-e-kaf-e-paa jaane hai ahl-e-daanish ko kahaan khanda-labi ki mohlat sirf divaana hi ye tarz-o-adaa jaane hai mujh pe kyaa guzri hai aakhir shab-e-hijraan mein 'khatib' meraa dil jaane hai yaa meraa khudaa jaane hai"

"tiri talaash mein bhaTkaa huun dar-ba-dar jaanaan main tujh ko bhuul na paaungaa umr bhar jaanaan nahin hai tujh se kisi taur bhi mafar jaanaan hai tu hi qaatil-e-dil tu hi chaaraagar jaanaan miri talaash miri aarzu miri chaahat tiraa jamaal tiraa qurb-e-mo'atabar jaanaan ye aankhein tere hi jalvon ki hain amiin be-shak ye dil hai teri mohabbat kaa mustaqar jaanaan nazar mein tu hai khayaalon mein tu hai dil mein tu main kab huaa tiri jaanib se be-khabar jaanaan tiri hi yaad ne mahkaae meri ruuh mein zakhm tire sabab se hai khushbu kaa ye safar jaanaan hasin yaadon kaa ik silsila thaa TuuT gayaa fazaa mein gunjaa jab aavaaza-e-gajar jaanaan"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"taavil-e-ahd-e-fan hi to vahshat kaa hal nahin pesh-e-nazar junun hai yaaro ghazal nahin ab is ke baad ahd ki taarik raat hai ye ikhtitaam-e-shaam hai subh-e-azal nahin ai dost ishq mansab-e-fahm-o-shuur hai ye irtiqaa hai zehn kaa koi khalal nahin ik umr ratjagon ki aziyyat mein kaaT di ab mere khvaab niind kaa radd-e-amal nahin kyaa kyaa ataa-e-neamat-e-rabb-e-karim hai lekin 'samir' dard kaa nemul-badal nahin"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"chaahe khoTe hain yaa khare hain ham Dast-e-qudrat ke laaDle hain ham 'aks-e-rafta ko dekhiye saahib kitne maa'sum lag rahe hain ham raat jivan kaa giit gaati hai khvaab-e-tanvim dekhte hain ham 'umr lag jaaegi sanbhalne mein kis bulandi se yuun gire hain ham ek hangaam hai taghayyur kaa kunj-e-nisyaan mein paDe hain ham ab bhi mehndi kaa rang gahraa hai sandalin haath par rache hain ham ik tamaashaa hai kaar-zaar-e-hayaat dekh kar ser ho chuke hain ham jhilmilaate hain aarzu ke kanval dil-jharoke se jhaankte hain ham"