Ghazal

"vo dil laaun kahaan se jo tire dil ke muqaabil ho mujhe chaahat mohabbat kaa sila koi to haasil ho nahin gham maut kaa koi magar ik shart hai meri koi qaatil ho meraa to du'aa hai tu hi qaatil ho na koi khauf marne kaa na jiine ki tamanna hai use Dar kyaa samundar se jise kashti hi saahil ho lagaa dein aag dariyaa mein uThaaein chal koi tufaan maza aae mohabbat kaa agar tu mujh mein shaamil ho"

"saath rah kar bhi jaantaa kahaan hai vo miraa hai par aashnaa kahaan hai ye tamannaa hai do ghaDi ji luun ziist kaa lekin raasta kahaan hai mujh mein jiitaa hai har nafas lekin main usi kaa huun maantaa kahaan hai jo duaa mein ibaadaton mein rahaa vo mohabbat kaa devtaa kahaan hai choT gahri lagi hai dil pe koi kisi se us kaa vaasta kahaan hai saath khud ke huun ajnabi ki tarah meraa mujh se hi silsila kahaan hai"

"dard kaisaa bhi ho kyaa hotaa hai dil to ye mar ke bhi ab zinda hai hai agar dhuup to ab dhuup sahi sar pe mere koi to saaya hai kis ne phir qatl kiyaa suraj ko hai fazaa nam to ye din kaalaa hai khud se milne ko bhi to vaqt nahin kaun aainon se ab miltaa hai noch li us ne phir aankhein apni ziist par us ne likhaa sahraa hai"

"maut se kab najaat hai pyaare zindagi ko ye maat hai pyaare jis ne samjhaa vo miir ho gayaa hai aaina kaaenaat hai pyaare roz chehre badal ke khush hai tu ye to khud se hi ghaat hai pyaare tu jinhein shurvir samjhe hai buz-dilon ki ye zaat hai pyaare itnaa aasaan nahin ghazal kahnaa 'mir' 'ghaalib' ki zaat hai pyaare teraa kirdaar aaina ho jaae bas yahi to sabaat hai pyaare Duub jaa ishq ke samundar mein dekh phir kaun saath hai pyaare koi maqsad na koi manzil ho zindagi kyaa mamaat hai pyaare"

"zindagi bhi ajab tamaashaa hai dhuup ko chhaanv kaa sahaaraa hai miT rahe naqsh us muqaddar ke main ne sahraa se jo banaayaa hai ham-navaa hai na ham-safar koi had talak dard be-sahaaraa hai apni tanhaaiyon se thak kar aaj tirgi ne mujhe pukaaraa hai mere ashaar mein chamaktaa huun main jab inhein khun-e-dil pilaayaa hai"

"ishq ki intihaa ne luuT liyaa kabhi husn-e-vafaa ne luuT liyaa kal talak rahzanon ne luuTaa hamein aaj ik aashnaa ne luuT liyaa jo badal de muqaddaron kaa likhaa vaqt ki us adaa ne luuT liyaa kabhi luuTaa jamaal ne tere kabhi teri vafaa ne luuT liyaa bach gayaa vaqt ki adaavat se to mujhe naa-khudaa ne luuT liyaa"

"kaisi ye afsurdagi hai aaj-kal zindagi mein kuchh kami hai aaj-kal chaand ki aavaargi se chaandni sog mein Duubi hui hai aaj-kal chal banaaein aashiyaan us paar ham raat mujh se kah rahi hai aaj-kal kyaa sabab hai dhuup hai sahmi hui pattharon par bhi nami hai aaj-kal taDpannon mein hain ghazab bechainiyaan detaa is had tishnagi hai aaj-kal ji rahaa huun maut ki khvaahish liye ziist meri didani hai aaj-kal vo sharaafat jo kabhi anmol thi kauDiyon mein bik rahi hai aaj-kal zulmaton kaa daur bhi ye kab talak raushni bhi mar rahi hai aaj-kal ziist ki majburiyaan mat puchhiye saath mere chal rahi hai aaj-kal aa rahi hai phir chunaav ki khabar shahr bhar mein khaamushi hai aaj-kal kaun ab vaaqif hai apne aap se aadmi kab aadmi hai aaj-kal"

"ishq hai to yuun nibhaanaa chaahiye jaan par ab jaan jaanaa chaahiye baat kuchh aisi banaanaa chaahiye buund mein saagar samaanaa chaahiye maut bhi gar dekh le to jal mare zindagi yuun muskuraanaa chaahiye muddaton koi safar mumkin nahin zindagi ko bhi Thikaana chaahiye zindagi kyaa hai tajarbe ke sivaa mushkilon ko aazmaanaa chaahiye ghar binaa buniyaad ke mumkin nahin ghar mein koi to siyaanaa chaahiye"

"mohabbaton kaa raahbar mohabbaton kaa ho gayaa uDaa ke khaak apni aaj aasmaan pe so gayaa hai barf barf chaandni udaas hai ye chaand bhi na jaane kaun aansuon se raat ko bhigo gayaa na main rahaa huun main na ab miraa koi vujud hai mire nafas nafas mein ab vo khud ko hi piro gayaa vo sard sard siskiyaan vo bhigti khamoshiyaan vo aansuon mein ab mire vujud ko Dubo gayaa vo nekiyon kaa ham-safar vo raushni kaa raahbar jo mere dil ke zakhm apne aansuon se dho gayaa"

"us ke jalvon ki raushni mein huun main abhi us ki bandagi mein huun mujh ko meri khabar nahin aati muddaton se main 'aashiqi mein huun mo'jiza hai ye 'ishq kaa yaaro koi mujh mein hai main kisi mein huun is qadar khauf hai ujaalon se muddaton se main tirgi mein huun aaine se ulajh gayaa huun aaj dekh to kaisi be-khudi mein huun"

"main is kirdaar ko samjhaa nahin thaa miraa chehra miraa apnaa nahin thaa tiri yaadon ke saae se guzar thaa main tanhaa ho ke bhi tanhaa nahin thaa nahin the aaine bhi aainon se samundar bhi samundar saa nahin thaa shajar par muntazir thi maut us ki parinda ab magar uDtaa nahin thaa khabar thi chaar din ki zindagi hai to ham ko maut kaa khaTkaa nahin thaa mohabbat kaa junun thaa sar mein mere koi mujh jaisaa divaana nahin thaa"

"kaisi ye afsurdagi hai aaj-kal zindagi mein kuchh kami hai aaj-kal chaand ki aavaargi se chaandni sog mein Duubi hui hai aaj-kal kyaa sabab hai dhuup hai sahmi hui pattharon par bhi nami hai aaj-kal vo sharaafat jo kabhi anmol thi kauDiyon mein bik rahi hai aaj-kal aa rahi hai phir chunaavon ki khabar shahr-bhar mein khaamushi hai aaj-kal kaun ab vaaqif hai apne aap se aadmi kab aadmi hai aaj-kal"

"mohabbat se ham ko mohabbat bahut hai hamein ab tumhaari zarurat bahut hai hue 'ishq ke ham taraf-daar jab se zamaane ko ham se 'adaavat bahut hai in aankhon kaa jaanam karun kyaa mudaavaa tiri diid ki in ko 'aadat bahut hai nahin chaahiye is zamaane ki ne'mat tiri chaahaton ki ye daulat bahut hai khudaaraa in ashkon ko zaae' na kiije ye zevar hain vo jin ki qimat bahut hai"

"bujhti aankhon ki raushni to dekh chashm mein tairti nami to dekh aa kabhi tu qarib aa mere zist-o-jaan mein tiri kami to dekh raat bhar jaagti hai kyuun ye shab jaagti shab ki bekali to dekh umr bhar paaniyon ne likkhi pyaas paaniyon ki ye tishnagi to dekh saath rah kar bhi duur duur hai tu zindagi ki ye dil-lagi to dekh main jo ab roz roz dekhtaa huun vo tamaashaa tu do ghaDi to dekh hijr ke zalzale hain utre hue khud-kushi karti vo nadi to dekh"

"koi manzil to raasta hi nahin un se ab koi silsila hi nahin muddaton se guzar hai khud se hi tere jaisaa koi milaa hi nahin khvaab-e-rangin hain us ki aankhon mein mere gham se vo aashnaa hi nahin mujh ko manzur hai ye dar-badari tu mire saath jab chalaa hi nahin tere jaane ke baad se main ne naam apnaa kabhi sunaa hi nahin"