Ghazal

"koi ho dard-e-musalsal to niind aati hai badan mein ho koi halchal to niind aati hai hamein sukun mayassar nahin hai ik pal bhi tumhaari yaad ho pal-pal to niind aati hai talab nahin hai kisi aur khush-badan ki hamein tumhaaraa paas ho aanchal to niind aati hai kabhi na tum se rahi guftugu adhuri si ghazal ho jab bhi mukammal to niind aati hai ajiib khauf saa laahaq hai bastiyon se hamein qarib ho koi jangal to niind aati hai pasand hai hamein shorish fasaad gird-o-navaah agar ho shahr moattal to niind aati hai badal diyaa hai zamaane ne yuun hamaaraa mizaaj sajaa huaa ho jo maqtal to niind aati hai kaDak rahi ho jo bijli to Dar nahin lagtaa garaj rahe hon jo baadal to niind aati hai koi bhi khvaab Daraataa nahin hai ab 'aatir' dikhaai de hamein daldal to niind aati hai"

"koi ho dard musalsal to niind aati hai badan mein ho koi halchal to niind aati hai hamein sukun mayassar nahin hai ik pal bhi tumhaari yaad ho pal pal to niind aati hai talab nahin hai kisi aur khush-badan ki hamein tumhaaraa paas ho aanchal to niind aati hai kabhi na tum se rahi guftugu adhuri si ghazal ho jab bhi mukammal to niind aati hai ajiib khauf saa laahaq hai bastiyon se hamein qarib ho koi jangal to niind aati hai pasand hai hamein shorish fasaad-e-gird-o-navaah agar ho shahr moattal to niind aati hai badal diyaa hai zamaane ne yuun hamaaraa mizaaj sajaa huaa ho jo maqtal to niind aati hai kaDak rahi ho jo bijli to Dar nahin lagtaa garaj rahe hon jo baadal to niind aati hai koi bhi khvaab Daraataa nahin hai ab 'aatir' dikhaai de hamein daldal to niind aati hai"

"an-ginat phuul intikhaab gulaab aadatein kar gayaa kharaab gulaab vo hai naaraaz us ki chaukhaT par le ke jaaungaa be-hisaab gulaab nazr jo kar sakungaa us ke huzur shahr mein kab vo dastiyaab gulaab us ki rangat hai kyaa badan kaisaa in savaalon kaa hai javaab gulaab aise lagtaa hai ahl-e-dil ke liye ban gayaa ishq kaa nisaab gulaab har nae phuul mein tajassus hai kis tarah se hai kaamyaab gulaab patti patti bikhar gayaa kyunkar kar na le meraa ehtisaab gulaab"

"hai kitnaa saliqa tiri guftaar ke andar inkaar bhi poshida hai iqraar ke andar sachchaai bhi kahne ke tariqe hain bahut se par khaana-kharaabi mire izhaar ke andar us tarah se mastur mohabbat mire dil mein jaise ho koi daaera parkaar ke andar yaaro mujhe izzat mire allaah ne di hai tum khaamiyaan DhunDo mire kirdaar ke andar ye tamkanat-o-mansab-o-pindaar-o-raunat sab chhoD diyaa kucha-e-dildaar ke andar ab apne masihaa ko vo kis tarah bataae jo dard chhupaa hai kisi bimaar ke andar"

"dil mein achchhaa qayaas pahnaa kar mere milne ki aas pahnaa kar teri rangat pe khuub khiltaa hai zaafraani libaas pahnaa kar apne naazuk gulaab honTon par guftugu mat udaas pahnaa kar aaj-kal shahr mein nikalte hue saare hosh-o-havaas pahnaa kar sab se behtar yahi hai dil ke liye ik yaqin ki asaas pahnaa kar meraa chehra ho teri aankhon mein bas yahi lutf-e-khaas pahnaa kar ab ye mausam badal gayaa 'aatir' garmiyon mein kapaas pahnaa kar"

"tamaam shahr mein yaktaa ye meri zaat na kar ki Dhalti umr hai ab itnaa iltifaat na kar ye qurbatein bhi mayassar huiin nasibon se ta'alluqaat mein ab aur tajrabaat na kar ye aur baat ki main qadr-aashnaa huun magar nisaar jism ke mujh pe javaaharaat na kar tire hi husn pe ik nazm likh rahaa huun abhi tiri hi soch mein huun aaj mujh se baat na kar mujhe khabar hai koi tere intizaar mein hai bas apne ghar ko chali jaa tu itni raat na kar"

"abhi mausam nahin badlaa hai meraa abhi dariyaa nahin utraa hai meraa tum us markaz ko kho baiThe ho shaayad jahaan se daaera bantaa hai meraa main jis divaar kaa pahlu-nashin huun usi ke saae par saayaa hai meraa na dekho is tarah aankhon mein meri ki in se bhi pare rastaa hai meraa havaa zinda rakhe yaa qatl kar de diyaa divaar par rakkhaa hai meraa"

"kal us kaa zikr sar-e-khaas-o-aam aisaa thaa na chhup sakaa ki vo maah-e-tamaam aisaa thaa use qarib se dekhaa to dil dhaDakne lagaa main kyaa karun mire dil kaa nizaam aisaa thaa hasin thaa vo bahut par qarib-tar us ke koi pahunch na sakaa intizaam aisaa thaa jo us ko dekh le ho jaaegaa shikam labrez ki us ki diid mein shaamil taaam aisaa thaa phir us ne khol di chaahat ki apni baara-dari ki qasr-e-ishq mein meraa khiraam aisaa thaa jo us ke hijr mein likkhaa thaa Duub kar 'aatir' sunaa gayaa vo mukarrar kalaam aisaa thaa"

"na takht-o-taaj na daulat kaa tazkira paDh kar javaan huaa main mohabbat kaa qaaeda paDh kar na apne jism pe taaviz baandh kar rakkhe na Daanvaan-Dol huaa koi zaaicha paDh kar duaa bhi milti rahi mujh ko mere logon ki davaa bhi letaa rahaa us kaa faaeda paDh kar milegaa mujh ko vahi jo mire nasib mein hai main sar-nigun na huaa teraa martaba paDh ke kaDaa hai vaqt to aasaaniyaan bhi aaeingi main naala-kash na huaa koi saaneha paDh kar bataa rahaa huun tujhe jo ki tajrabon se milaa mubaahisa to na kar ik kitaabcha paDh kar"

"bujh gayaa hai jo TimTimaa ke charaagh jal rahaa thaa havaa ko khaa ke charaagh asl mein us ko mahngaa paDtaa hai bhuul jaataa hai jo jalaa ke charaagh ai havaa zor ab dikhaa apnaa main ne rakkhaa hai ik bujhaa ke charaagh ik faqat is badan ko chhute hi jhilmilaane lage qabaa ke charaagh raushni dil ki samt jaati hai thaam letaa huun jab duaa ke charaagh kyon jalaate ho dhuup mein 'aatir' paas rakkho abhi bachaa ke charaagh"

"bichhaD gayaa hai to tujh ko muaaf karte hain hamein to ishq thaa ye e'tiraaf karte hain tu paas thaa to faqat tere ird-gird the ham ki jis tarah ye patange tavaaf karte hain chalaa gayaa hai to ab tere ehtiraam mein ham tiri gali tire kuche ko saaf karte hain jo tere qurb ki garmi nahin muqaddar mein so shab ko apne badan par lihaaf karte hain ab intizaar mein baiThe hue hain sunne ko tire vo harf jo dil mein shigaaf karte hain tire sabab hi ghazal mein hai taazgi paiham sukhan mein roz nayaa inkishaaf karte hain"

"itnaa sairaab hone vaalaa thaa main tah-e-aab hone vaalaa thaa tez us husn ki haraarat thi jism simaab hone vaalaa thaa ek aamad ghazal ki thi us pal ik nayaa baab hone vaalaa thaa phir se bimaar kar diyaa us ne main shifaayaab hone vaalaa thaa us kaa milnaa bhi gaahe-gaahe thaa main bhi kamyaab hone vaalaa thaa chhat thi kamzor baarishon ke liye farsh taalaab hone vaalaa thaa ik safina vo ban gai 'aatir' jab main girdaab hone vaalaa thaa"

"khol kar aankh dekhnaa hai hamein jabki suraj kaa saamnaa hai hamein baat Takraae jaa ke us dil tak itni shiddat se sochnaa hai hamein thaam kar ishq ke bagule ko daaera-vaar ghumnaa hai hamein kuchh to luknat-bhari zabaan apni aur phir jhuuT bolnaa hai hamein ret ki boriyaan hain aur 'aatir' chaDhte dariyaa ko roknaa hai hamein"

"vo lams lams mein paidaa zabaan kar degaa khamosh rah ke bhi khud ko bayaan kar degaa vo apni zaat mein rakhtaa hai kimiyaa aisi jo sang-dil hai use mehrbaan kar degaa use kamaal-e-fan guftugu mein hai aisaa zaraa si der mein sach ko gumaan kar degaa mujhe khabar hai chhupaa legaa saazishein apni haTaa ke khud ko mujhe darmiyaan kar degaa ajab nahin ki mujhe sab se munqataa kar ke khud apni samt hi vo meraa dhyaan kar degaa agar baDhaataa rahaa jism mein tapish yunhi jalaa ke mere lahu ko dukhaan kar degaa vo rafta-rafta agar dil pe ho gayaa qaabiz to phir na sochnaa khaali makaan kar degaa kabhi jo mauj mein aaya to dekhnaa us ko mire hi haath mein apni kamaan kar degaa badan hai us kaa kisi husn ki lughat 'aatir' ghalat paDhaa to talaffuz bayaan kar degaa"

"kitni dilchasp lagi sokhta-jaani meri sab ko apni si nazar aai kahaani meri shahr mein phir se hue ishq ke charche mere phir se mashhur hui naql-e-makaani meri bas mein hotaa to muqaddar ki marammat kartaa par koi kiil hathauDi na kamaani meri tum to pal-bhar mein mujhe shefta kar lete ho tum pe kyon baar guzarti hai giraani meri jis ko paDhne se galaa sukhne lag jaataa hai vo ghazal saamne laao na puraani meri log kab khol ke dekhein mire dil ko 'aatir' vo to DhunDein mire chehre pe javaani meri"

"ik vo laDki bhi matlabi hai miyaan pyaar sikkon mein tolti hai hai miyaan sar se paanv talak use dekhaa ik banaavaT ki dilkashi hai miyaan us ko haajat nahin samaaat ki aankhon aankhon mein bolti hai miyaan kis qadar shakhsiyat hai pechida yuun to chehre pe saadgi hai miyaan ek aadat hai mushtarak apni raat-bhar vo bhi jaagti hai miyaan"

"kahte ho tumhein hasb-e-tamannaa nahin miltaa kam daam lagaane se to saudaa nahin miltaa vo dhuup haqiqat mein koi dhuup nahin hai jis se kisi insaan ko pasina nahin miltaa ghurbat ne ataa ki hai mujhe ilm ki daulat maktab nahin jaataa jo vazifa nahin miltaa sab mansab-e-farhaad hai teshe ke sabab se varna ye use ishq mein rutba nahin miltaa badnaam-e-zamaana huun main sachchaai ki khaatir ab to mire bachche ko bhi rishta nahin miltaa allaah ghani hai vo jise chaahe navaaze mehnat se har ik shakhs ko paisa nahin miltaa"

"dil thaa jab aasmaan ki chaahat mein abr kyon rakh liyaa basaarat mein ishq kaa khel koi sahl nahin pukhtagi chaahiye riyaazat mein barf kaa kaam to pighalnaa thaa kyon takabbur huaa tamaazat mein ab tire mere vasl kaa hogaa faisla hijr ki adaalat mein paDh rahaa huun kitaab-e-zist magar ghalati hai bahut kitaabat mein sher vo hai ki jis mein hikmat ho varna jaaez nahin shariat mein"

"jab se vo shakhs mere dhyaan mein hai ik tasalsul mire bayaan mein hai us ki aavaaz sun nahin paayaa is qadar shor mere kaan mein hai koi parcha na hal huaa us se vo mohabbat ke imtihaan mein hai is qadar hi hai vo ravaan guftaar jitni luknat miri zabaan mein hai"

"kaise bach paaoge haalaat se aage jaa kar dhuup niklegi bahut raat se aage jaa kar ye samundar nahin bahte kisi dariyaa ki tarah ye safar mein hain bukhaaraat se aage jaa kar besh-qimat hai yahi husn zamin kaa meri kachchi basti hai mahallaat se aage jaa kar ik jahaan aur hai aabaad khule manzar mein jab bhi dekhoge kabhi zaat se aage jaa kar bas yahi soch ke raste mein use chhoD diyaa tang hogaa miri aadaat se aage jaa kar ishq mein mujh se savaalaat na puchho itne ranj baDhtaa hai javaabaat se aage jaa kar shahr se duur kharidungaa koi ghar 'aatir' garche jangal hai mazaafaat se aage jaa kar"

"zakhm to bhar chukaa hai muddat se dard ab zakhm ke nishaan mein hai ek do din to mujh ko jhelegaa itni himmat to mezbaan mein hai ji mein aataa hai naukri kar luun ab khasaaraa bahut dukaan mein hai abr aa kar Thahar gayaa us par ab shajar khud bhi saaebaan mein hai jaane kis shaakh par baseraa ho ik parinda abhi uDaan mein hai"

"baat karti hai e'timaad ke saath jaise muddat se jaanti hai miyaan ishq bhi ek saaneha hai ajab vo gale mil ke ro rahi hai miyaan us badan ki sifaat kyaa kahiye aag bhi vo hai phuul bhi hai miyaan us ko mushkil dikhaai detaa huun jab kabhi mujh ko sochti hai miyaan jiit li us ne ik maaash ki jang ab vo aage nikal gai hai miyaan ab to dollar hi daur-e-haazir mein ik ghazal nazm masnavi hai miyaan aao tum ko milaaein 'aatir' se jis ke sheron mein taazgi hai miyaan"

"sunaa hai ishq ke maaron ko bhuuk lagti hai ki jaise uDte parindon ko bhuuk lagti hai rakho khayaal se zinat ko Dhaanp kar apni badan khulaa ho to aankhon ko bhuuk lagti hai ye soch kar hi nivaale ko rakh diyaa main ne shikam bharaa ho to haathon ko bhuuk lagti hai ye kis liye mire tezaabiyat hai siine mein ye kis liye mujhe raaton ko bhuuk lagti hai raqam ho jitni kabhi jeb bhar nahin paati tijoriyon mein asaason ko bhuuk lagti hai phir ehtimaam se 'aatir' namak chhiDaktaa huun jab us ki yaad ke zakhmon ko bhuuk lagti hai"

"vo ishq mein mujhe taskhir kar ke chhoDegaa gali gali miri tashhir kar ke chhoDegaa jo yuun qarib rahaa us kaa maahtaab badan mire vajud ko tanvir kar ke chhoDegaa vo chhu rahaa hai miri ruuh ke asaason ko sukhanvari miri jaagir kar ke chhoDegaa vo hijr baanT rahaa hai tamaam basti mein isi davaa hi ko iksir kar ke chhoDegaa jo meraa naam shajar ke tane pe likhtaa hai kal us ko ret pe tahrir kar ke chhoDegaa vo shakhs jis kaa tasarruf hai meri saanson par vo dhaDkanon ko bhi zanjir kar ke chhoDegaa mujhe yaqin hai 'aatir' ki vo miraa qaatil mire mazaar ki taamir kar ke chhoDegaa"