Ghazal

"thi umid-e-mahr un ko mehrbaan samjhaa thaa main vo sitam Dhaaeinge mujh par ye kahaan samjhaa thaa main arsh se baDh chaDh ke un kaa aastaan samjhaa thaa main un ke kuche ki zamin ko aasmaan samjhaa thaa main kyon na ho dushvaar jaanaa manzil-e-maqsud tak thaa bagulaa jis ko gard-e-kaarvaan samjhaa thaa main iztiraab-e-dil ne ifshaa dard-e-ulfat kar diyaa haae naadaani ki us ko raazdaan samjhaa thaa main ho gai tum par tasadduq ho gai tum par nisaar varna apni zindagi ko raaegaan samjhaa thaa main vo na is ghar mein mile mujh ko na us ghar mein mile kaaba bhi but-khaana bhi un kaa makaan samjhaa thaa main aaj vo ek ek ki sau sau sunaane baiThe hain jin ko kal tak be-dahaan-o-be-zabaan samjhaa thaa main kah rahe the jab vo mere dard-e-dil kaa maajraa goyaa un ke munh mein apni hi zabaan samjhaa thaa main bahr-e-aalam mein thi meri zindagi misl-e-habaab haif kyon is ko hayaat-e-jaavidaan samjhaa thaa main vahshat-e-dil baDh gai kyaa khaak bahle dil yahaan gulshan-e-aafaaq ko baagh-e-jinaan samajhtaa thaa main khaal-e-ru-e-dost ki midhat na tum se ho sake shaairon mein tum ko 'saabir' nukta-daan samjhaa thaa main"

"mashriq vatan rahaa kabhi maghrib vatan rahaa maanind-e-mehr-o-maah hamaaraa chalan rahaa masruf-e-sair-e-baagh vo gul-pairahan rahaa turfa hui ye baat chaman mein chaman rahaa ‘ishq-e-kamar ne kar diyaa maa'dum baa'd-e-marg kunj-e-lahad mein naa'sh se khaali kafan rahaa gesu rahe jo chaar-pahar ru-e-yaar par din bhar miri nigaah mein suraj gahan rahaa jhaanke kunvein hazaaron rahi tab' baavli jab tak khayaal mein tiraa chaah-e-zaqan rahaa 'saabir' ko tuti-e-shakaristaan kaheinge log yunhi jo lutf-e-'haaziq'-e-shirin-sukhan rahaa"

"nairangiyaan falak ki hain mere hi ji ke saath gham bhi isi ke saath khushi bhi isi ke saath daaman chhuDaa ke jab vo chale be-rukhi ke saath hasrat lipaT ke rone lagi be-rukhi ke saath dil chiiz kyaa hai aur jigar ki hai asl kyaa maangein vo jaan bhi to main de duun khushi ke saath mujh se kabhi mile bhi to munh pher kar mile ki baat bhi unhon ne to ki be-rukhi ke saath har-vaqt saamnaa rahaa ranj-o-malaal kaa koi ghaDi na guzri hamaari khushi ke saath kyunkar umiid ho ki bar aaegaa muddaaa jab dekhtaa huun rahte hain vo muddai ke saath ghairon ko raahat aur musibat mili mujhe vo un ke ji ke saath hai ye mere ji ke saath dam bhar bhi gham-gusaar na ham ko milaa koi guzri tamaam umr yahaan be-kasi ke saath 'saabir' kaa hashr hashr mein parvardigaar ho ashaab-o-aal-e-paak-o-janaab-e-nabi ke saath"

"kyaa khabar thi ye mohabbat kaa natija hogaa raat din dard-e-judaai mein taDapnaa hogaa yaar ki diid jo taqdir mein hogi hogi yaar kaa vasl muqaddar mein jo hogaa hogaa jaan to saikDon ki tu ne nikaali hogi magar armaan kisi kaa na nikaalaa hogaa mere rone pe khushaamad se ye kahnaa un kaa chup raho chup raho dekho koi rusvaa hogaa huun vo mai-nosh na chuTegi sar-e-mahshar bhi saaghar ik haath mein ik haath mein miinaa hogaa vaqt-e-rukhsat jo kahaa main ne miloge tum kab kis sharaarat se kahaa hashr mein milnaa hogaa tum jise apnaa samajhte ho use ai 'saabir' kab huaa hai vo kisi kaa jo tumhaaraa hogaa"

"sirat achchhi hai tiri yaar jamaal achchhaa hai tu bahar-taur bas ai nek-khisaal achchhaa hai be-qaraari hai vo agli si na vo dard-e-jigar ab to kuchh kuchh tire bimaar kaa haal achchhaa hai kab tire khaal-e-munavvar se hain taare achchhe kab tire abru-e-pur-kham se hilaal achchhaa hai dekh kar aaine mein qaamat-e-abru se kahaa gulshan-e-dahr mein ik ye hi nihaal achchhaa hai ek bosa pe jo dil detaa hai 'saabir' le lo mol kam hai magar ai jaan ye maal achchhaa hai"

"kis ko khayaal-e-gesu-o-zulf-e-dotaa nahin duniyaa mein kaun hai jo asir-e-balaa nahin sun kar savaal vo miraa haan kahne hi ko the shokhi ne un se pahle hi vaan kah diyaa nahin kahtaa hai haath rakh ke mire siine par vo shokh kambakht ab bhi dard-e-jigar kam hai yaa nahin jis tafta dil ko taakaa vahin said kar liyaa tir-e-nigaah-e-naaz kabhi chuktaa nahin kis se hijaab khaana-e-khalvat mein karte ho ik main huun tum ho aur koi dusraa nahin paamaal kar rahe hain miraa dil huzur kyon kyaa jaante nahin hain ye ghar aap kaa nahin sog-e-raqib mein ye tire dushmanon kaa haal aankhon mein surma haathon mein rang-e-hinaa nahin aaina dekh kar tumhein kyon aa gayaa hijaab tum hi ho is mein aur koi dusraa nahin 'saabir' jo zulf-e-yaar ko kahte ho mushk-faam mazmun tum ko aur koi sujhtaa nahin 'saabir' buton ko tu ne dil-o-din jo de diyaa roz-e-jazaa kaa khauf bhi mard-e-khudaa nahin"

"piyeinge aaj masjid hi sahi mai-khaana ho jaae janaab-e-shaikh kaa zarf-e-vazu paimaana ho jaae zamaana bhuul jaae naam hi farhaad-o-shirin kaa hamaare dard kaa qissa bhi ik afsaana ho jaae khudaa ke vaaste mahshar mein be-parda na ho jaanaa tumhin par hur-e-jannat kaa kahin dhokaa na ho jaae sadaaqat se kare insaan jo niyyat jaan-nisaari ki yaqinan dil mein paidaa himmat-e-mardaana ho jaae mire gham ki kahaani sun ke bole aur lutf aae agar ek ek harf afsaane kaa afsaana ho jaae tumhein hai jalva-e-rangin dikhaane se gharaz saahib kisi ke hosh jaaein yaa koi divaana ho jaae nikalne duun main apne ghar se kyon un ki tamannaaein nahin manzur ye aabaad ghar viraana ho jaae kahaan insaan ki taaqat jo roke us ko dam-bhar mein kisi ki umr kaa labrez jab paimaana ho jaae tire maston mein gaaDhi chhan rahi hai mai-gusaari par kahin aisaa na ho un mein sar-e-mai-khaana ho jaae agar vo mah-jamaal aae shab-e-taarik ai 'saabir' to zulmat duur ho raushan miraa kaashaana ho jaae"

"ban ban kar aaj vasl ki surat bigaD gai vo kyaa bigaD gae miri qismat bigaD gai kahte hain aaj dukhtar-e-saaqi ko dekh kar zaahid se paarsaa ki bhi niyyat bigaD gai achchhe bane khudaa ki qasam vo shab-e-visaal ye kah ke so gae ki tabiat bigaD gai bose ke badle dil unhein detaa to khuub thaa afsos len-den ki surat bigaD gai 'saabir' ke saamne hue aise zalil ghair izzat to kyaa hai un ki haqiqat bigaD gai"

"masjid mein bhi jaataa huun to mai-khaana samajh kar har zarf-e-vazu letaa huun paimaana samajh kar le bosa-e-zulf ai dil-e-farzaana samajh kar uljhein na kahin tujh se vo divaana samajh kar lau shama-rukhon se na lagaa ai dil-e-naadaan aashiq ko bulaate hain vo parvaana samajh kar gardish miri qismat ki tujhe chain na degi ai charkh mujhe piis na tu daana samajh kar allah re tajaahul mujhe dekhaa jo sar-e-bazm munh pher liyaa yaar ne begaana samajh kar aane ko to aae vo mire khaana-e-dil mein dam bhar bhi na Thahre yahaan viraana samajh kar kis darja ta'alluq hai mire dil ko buton se kaaba mein bhi jaataa huun to but-khaana samajh kar dilchasp kuchh aisaa hai ki dushman ki zabaan se sunte hain miraa zikr vo afsaana samajh kar dete to ho dil us but-e-be-mehr-o-vafaa ko lekin zaraa ai 'saabir'-e-farzaana samajh kar"

"kufr se matlab hai na islaam se hai gharaz maashuq-e-khush-andaam se hai gharaz khum se subu se jaam se kaam hai ham ko mai-e-gulfaam se dafn kar ke haae kahtaa hai koi qabr mein ab so raho aaraam se qaaf-o-laam-o-qaaf hai har dam hamein khush adu hai vaav saad-o-laam se kyaa gharaz aaein ayaadat ko vo kyuun un ko kab fursat hai apne kaam se hazrat-e-aadam jo nikle khuld se ham bhi nikle kucha-e-asnaam se chashm-e-jaanaan ki ghalat tashbih hai is ko kuchh nisbat nahin baadaam se jo halaavat is mein hai us mein kahaan qand phikaa hai tiri dushnaam se jaaein ham kahiye to ai 'saabir' kahaan vaasta hai ik but-e-khud-kaam se"

"kyon hain vo tegh ba-kaf aur khafaa kyaa jaane aaj kis shakhs ki aai hai qazaa kyaa jaane teraa bimaar-e-gham-e-hijr shifaa kyaa jaane kaisi hoti hai davaa aur du'aa kyaa jaane ham se puchho hamein maa'lum hai ham jaante hain ghair kam-bakht mohabbat kaa mazaa kyaa jaane duur ho paas se kam-bakht tabib-e-naadaan tu bhalaa dard-e-mohabbat ki davaa kyaa jaane puchhaa jab main ne ki ai jaan miraa dil hai kahaan ban ke anjaan sitam-gar ne kahaa kyaa jaane mai-e-angur ki kartaa hai mazammat vaaiz is ki lazzat ko tu ai mard-e-khudaa kyaa jaane bulbul-e-zaar hai muddat se asir-e-sayyaad aaj-kal kaisi hai gulshan ki havaa kyaa jaane yaar kam-sin bhi hai naadaan bhi hai ai 'saabir' vo abhi dil ke lubhaane ki adaa kyaa jaane"

"saraapaa baagh tu ai gul-badan hai sanobar-qad hai aur ghuncha-dahan hai javaahir-khaana us but kaa dahan hai guhar dandaan hain lab laal-e-yaman hai agar yunhi rahi soz-e-mohabbat to ik din khaak apnaa qasr-e-tan hai nahin dil gesu-e-shab-gun mein tere sitamgar saanp ke munh mein ye man hai vo sidhi baat bhi karte nahin ab nahin maalum ye kyaa baankpan hai miri taqdir kaa chakkar hai ye bhi tujhe gardish jo ai charkh-e-kuhan hai do-rangi-e-falak is se hai saabit koi giryaan hai koi khanda-zan hai tamannaa-e-shahaadat kyaa bar aae miraa qaatil but-e-naazuk-badan hai vo kaabe mein bhi hai but-khaane mein bhi muqarrar har jagah jalva-fagan hai bharosa us ke qaul-o-feal kaa kyaa vo but be-mehr hai vaada-shikan hai pari-ruon ko dil dete ho 'saabir' ye naadaani hai ye divaana-pan hai"

"kar rahaa hai saamnaa tir-e-nigaah-e-naaz kaa allah allah ye kaleja aashiq-e-jaanbaaz kaa qatl hi manzur hai gar aashiq-e-jaanbaaz kaa vaar ho jaae koi tegh-e-nigaah-e-naaz kaa dard se ho vaasta ai ham-nafas aavaaz kaa soz agar haasil nahin to lutf kyaa phir saaz kaa har qadam par uThte hain fitne salaami ke liye kyaa qayaamat-khez hai aalam khiraam-e-naaz kaa faasla jitnaa hai farsh-o-arsh mein vo kuchh nahin hai ziyaada se ziyaada meri ik parvaaz kaa hai jabin meri kisi ke aastaan-e-paak par dekhtaa huun aaj ye manzar niyaaz-o-naaz kaa jaise mere dil mein teraa dhyaan hai ai ham-nashin hai miri aavaaz par dhokaa tiri aavaaz kaa kar diyaa behosh mujh ko jalva-haa-e-naaz ne is qadar ehsaan hai mujh par jalva-gaah-e-naaz kaa kar rahe ho tum jise paamaal vo dil khair se aashiq-e-jaanbaaz kaa hai aashiq-e-jaanbaaz kaa jalva-paashi ki to husn-e-roz-afzun ne kahaa zarra zarra hai munavvar jalva-gaah-e-naaz kaa ab to har shai mein vahi jalva nazar aane lagaa meri aankhon mein hai jalva jis harim-e-naaz kaa qabr par dekhaa hujum-e-aashiqaan to ye kahaa ham miTaa deinge mazaar apne shahid-e-naaz kaa taair-e-dil ko uDaa lete hain paikaan-e-nazar hai ye ik adnaa karishma mere tir-andaaz kaa dil se jab nikli shab-e-furqat to pahunchi arsh par thaa miri aah-e-rasaa mein zor kyaa parvaaz kaa hazrat-e-musaa jo mil jaate kahin 'saabir' hamein puchhte kuchh haal un se jalva-gaah-e-naaz kaa"

"samajhtaa hai vo khud ko aap ke rukh ke muqaabil kaa zaraa insaaf se kahiye ye munh hai maah-e-kaamil kaa pata detaa hai ye ruk ruk ke chalnaa tegh-e-qaatil kaa ki ab madd-e-nazar rah rah ke taDpaanaa hai bismil kaa muaafiq hai ye in rozon havaa gulzaar-e-aalam ki dil-e-pur-daagh guldasta hai gul-ruyon ki mahfil kaa abas ai barq tujh ko naaz hai apne taDapne par abhi dekhaa nahin tu ne taDapnaa muztarib dil kaa vo kyaa jaanein ghalat kahte hain khaal us ko jo kahte hain tire rukh par to hai ye aks meri aankh ke til kaa mazaa aae agar baaham-digar haal aashkaara ho mire dil par tire dil kaa tire dil par mire dil kaa jakaD rakkhaa hai ai haddaad yaad-e-zulf-e-jaanaan ne na rakh ehsaan mujh par aur tu tauq-o-salaasil kaa na ab jiite hi banti hai na ab marte hi banti hai musibat aa gai mere liye aanaa mire dil kaa tasavvur mein tumhaare ho gai aakhir shab-e-furqat khudaa kaa shukr aasaani se guzraa vaqt mushkil kaa qayaamat mein jo honaa hai vo hogaa fikr kyaa us ki abhi to mujh ko ronaa hai lahad ki pahli manzil kaa mujhe shauq-e-shahaadat is qadar hai us ki ulfat mein ki har ik se pata main puchhtaa phirtaa huun qaatil kaa hasinaan-e-jahaan kyaa hi miTe hain meri shokhi par khilaunaa dil ke bahlaane ko lete hain mire dil kaa"

"dil miraa jab tak kisi ke husn par maail na thaa zindagi mein zindagi kaa lutf kuchh haasil na thaa mere hisse kaa koi saaghar sar-e-mahfil na thaa tere mai-noshon mein saaqi kyaa main is qaabil na thaa jaan-ba-lab mahfil mein un ki main na thaa yaa dil na thaa kaun thaa jo un ke tir-e-naaz kaa ghaail na thaa ik nazar milte hi un kaa ho gayaa kyaa qahr hai jis ko ham samjhe the apnaa dil vo apnaa dil na thaa bahr-e-ulfat ki talaatum-khez tughyaani na puchh har taraf tufaan hi tufaan hai saahil na thaa naa-umidi dard-o-gham ranj-o-musibat ke sivaa chaahne vaalon ko un ke aur kuchh haasil na thaa ik ishaare par bahaayaa khuun paani ki tarah un ke jaan-baazon mein koi mujh saa dariyaa-dil na thaa sahl kar di zindagi un ki umid-e-did ne varna un ke hijr mein marnaa koi mushkil na thaa aah 'saabir' jab huaa meraa safina gharq-e-aab main thaa majburi thi aur koi lab-e-saahil na thaa"

"kahaan jaaegaa dard un ki judaai kaa khafaa ho kar mire dil se nikal kar mere pahlu se judaa ho kar janaab-e-shaikh masjid mein na baiThein paarsaa ho kar baqaa haasil karein us ki mohabbat mein fanaa ho kar taajjub hai buton ko baat karnaa bhi nahin aataa khudaai mein khudaai karne baiThe hain khudaa ho kar main vo huun sakht jo uf bhi na niklegi mire munh se jafaaon par jafaaein jis qadar tu chaahtaa ho kar bajaa kahte hain jo kahte hain tujh ko yaar-e-harjaai ki tu rahtaa hai sab ke dil mein sab kaa aashnaa ho kar musibat mein rahaa karte hain jo bhi daana duniyaa mein unhin ko pistaa hai charkh-e-zaalim aasiyaa ho kar tumhaare ham hamaare tum tumhein kyaa vaasta is se adu ke aashnaa kyuun ho hamaare aashnaa ho kar sar-e-mahfil jo mujh ko dekhte hain vo kan-aankhiyon se chhupi baiThi hai shokhi un ki aankhon mein hayaa ho kar sahar tak us ke sadmon se ho jaan-bar ghair mumkin hai shab-e-furqat mire ghar aai hai meri qazaa ho kar kahaan tak shauq-e-nazzaara hai be-khud ho ke ai 'saabir' paDaa huun main kisi ki rahguzar mein naqsh-e-paa ho kar janaab-e-dil ki baaton mein na aanaa dekh ai 'saabir' ye hazrat raah-e-ulfat mein hain rahzan rahnumaa ho kar"

"hai jo khaamosh but-e-hosh-rubaa mere baad gul khilaaegaa koi aur nayaa mere baad tu jafaaon se jo badnaam kiye jaataa hai yaad aaegi tujhe meri vafaa mere baad koi shikva ho sitamgaar to zaahir kar de phir na karnaa tu kabhi koi gila mere baad ibrat-angez hai afsaana mire marne kaa ruk gae hain qadam-e-umr-e-baqaa mere baad zamzame khaana-e-sayyaad ke kyuun gunjte hain kyaa koi taaza giraftaar huaa mere baad sar ke bal ishq ki manzil ko kiyaa tai main ne nahin milte jo nishaan-e-kaf-e-paa mere baad 'saabir'-e-khasta ko har haal mein yaa rab rakh shaad kahin aisaa na ho ho sabr fanaa mere baad"

"vo kahte hain baa-aasaani na hasrat dil se niklegi jo niklegi to ai 'saabir' baDi mushkil se niklegi mohabbat aap ki hargiz na mere dil se niklegi qayaamat mein bhi ye lailaa na is mahmil se niklegi chalo achchhaa hai rahne do yunhi armaan bharaa mujh ko na tum ghar mere aaoge na hasrat dil se niklegi yahin ham khaak ho jaaeinge jal kar misl-e-parvaana hamaari laash bhi zaalim na is mahfil se niklegi faqiron ki duaa lo husn ki khairaat do bose vahi maqbul hogi jo lab-e-saail se niklegi na vaqt-e-naza bhi aaya ayaadat ko tu ai zaalim hamaari jaan to niklegi magar mushkil se niklegi rahein aavaara-e-sahraa nahin ham tujh se divaane hamaari laash majnun kucha-e-qaatil se niklegi na ku-e-yaar se ai qais tujh ko vaapas aanaa thaa tamanna khaak teri sai-e-laa-haasil se niklegi saraa-e-dahr mein ham is liye Thahre hain dam bhar ko ki raah-e-khaana-e-dil-daar usi mahfil se niklegi hamein munh pher kar tu zabh kartaa hai to kar lekin hamaari jaan ai qaatil baDi mushkil se niklegi nahin is tarah mein kahnaa ghazal aasaan ai 'saabir' girah jo paD gai ranjish ki vo mushkil se niklegi"

"pur-soz jigar ke naale bhi dil-soz nikalte rahte hain haan shama bhi jalti rahti hai parvaane bhi jalte rahte hain khuddaam-e-harim-e-naaz jo hain allaah re un ki khush-bakhti didaar bhi hotaa rahtaa hai armaan bhi nikalte rahte hain ghurbat mein vatan aur ahl-e-vatan ki yaad jab aa jaati hai mujhe dil hai ki taDaptaa rahtaa hai aur ashk bhi Dhalte rahte hain ai shaikh-o-barahman dekhtaa huun din raat tumhaare murdon ko ye khaak mein milte rahte hain vo aag mein jalte rahte hain aaina husn-e-sabih bhi kyaa dekhe ki vo vaqt-e-nazzaara dam bhar nahin jamte shauq-e-nazar ke paanv phisalte rahte hain ai shaikh-e-haram eajaaz hai ye pur-kaif nigaah-e-saaqi kaa baa-hosh to girte rahte hain behosh sambhalte rahte hain aaraam-o-musibat kyaa shai hai hotaa nahin kuchh ehsaas unhein manzil ki jo dhun mein hain 'saabir' din-raat vo chalte rahte hain"

"kyaa khabar thi ye mohabbat kaa natija hogaa raat-din dard-e-judaai mein taDapnaa hogaa yaar ki diid jo taqdir mein hogi hogi yaar kaa vasl muqaddar mein jo hogaa hogaa jaan to saikDon ki tu ne nikaali hogi magar armaan kisi kaa na nikaalaa hogaa mere rone pe khushaamad se ye kahnaa un kaa chup raho chup raho dekho koi rusvaa hogaa huun vo mai-nosh na chuTegi sar-e-mahshar bhi saaghar ik haath mein ik haath mein miinaa hogaa vaqt-e-rukhsat jo kahaa main ne miloge tum kab kis sharaarat se kahaa hashr mein milnaa hogaa tum jise apnaa samajhte ho use ai 'saabir' kab huaa hai vo kisi kaa jo tumhaaraa hogaa"

"jo us be-rahm par apnaa dil-e-khaana-kharaab aayaa gae sabr-o-tahammul hosh-o-taaqat iztiraab aayaa havaa badli ghaTaa chhaai vo baarish kaa sahaab aayaa magar ab tak na ai pir-e-mughaan daur-e-sharaab aayaa sar-e-mahshar vo yaar-e-shoala-ru jab be-naqaab aayaa to ahl-e-hashr chikh uTThe zamin par aaftaab aayaa sar-e-mahfil adu se vasl kaa iqraar karnaa thaa tumhein kuchh bhi hayaa aai tumhein kuchh bhi hijaab aayaa shab-e-furqat kisi ne bhi na mujh naakaam ko puchhaa na tum aae na maut aai na sabr aayaa na khvaab aayaa jafaa-ju sang-dil be-rahm hai vaada-shikan hai vo tu aayaa bhi to kis par ai dil-e-khaana-kharaab aayaa ghazab hai yaar ne sar kaaT kar bhejaa hai qaasid kaa javaab aayaa hamaare naame kaa to ye javaab aayaa hui tauba bhi TukDe TukDe misl-e-saaghar-o-minaa hamaare saamne ai shaikh jab daur-e-sharaab aayaa jo chhu li zulf-e-pur-kham main ne barham ho gae mujh se hansi ki baat thi saahab magar tum ko itaab aayaa khulaa sab haal ham par is jahaan ki be-sabaati kaa miTaa sath-e-samandar par ubhar kar jo habaab aayaa abhi tak hai vahi ghaflat safedi baalon par aai uTho bahr-e-khudaa 'saabir' ki sar par aaftaab aayaa"

"bul-havas kam-fahm hai vo aadmi naadaan hai jo ye samjhaa ishq kuchh mushkil nahin aasaan hai kab main kahtaa huun ki meri jaan meri jaan hai aap ki hai banda-parvar aap par qurbaan hai be-khudi ke baad kyaa guzri nahin kuchh bhi khabar jalva-gaah-e-naaz tak pahunchaa bas itnaa dhyaan hai kis ke jalve se hai be-khud anjuman ki anjuman har bashar tasvir hai har aaina hairaan hai mushaf-e-rukhsaar-e-jaanaan par numud-e-khat nahin dekhne vaalo ye hai tafsir vo quraan hai us jagah pahunchaa jahaan qudsi bhi jaa sakte nahin dar-haqiqat aadmi ki shaan bhi kyaa shaan hai us ke bande bandagi karte hain lekin ai buto tum khudaai kar rahe ho ye khudaa ki shaan hai kyaa chhupoge tum vahaan vo kuchh tumhaaraa ghar nahin hashr kaa maidaan aakhir hashr kaa maidaan hai aarzu miTne ki thi raah-e-talab mein miT chuke aur ab ai hazrat-e-dil kahiye kuchh armaan hai aadmi to sab hi kahlaate hain lekin khalq mein us kaa rutba aur hai jo aadmi insaan hai 'saabir'-e-aasi ke isyaan kyuun na bakhshegaa khudaa vo baDaa ghaffaar hai sattaar hai rahmaan hai"

"ishq mein kaun kaamyaab huaa ishq jis ne kiyaa kharaab huaa dekhnaa hongi rakhna-gar nazrein maane-e-did agar naqaab huaa rabt-e-baaham ne kar diyaa mushkil us kaa main vo miraa javaab huaa jal gayaa tuur ghash hue muusaa jab tiraa husn be-naqaab huaa dekh kar aap mere ashkon ki paani paani dur-e-khush-aab huaa aai piiri gaiin umangein sab khatm afsaana-e-shabaab huaa jab chale chaal vo qayaamat ki uTh ke fitna bhi ham-rikaab huaa is qadar khugar-e-karam huun main mehr samjhaa agar itaab huaa lafz kun kaa thaa mukhtasar saa lafz dar-haqiqat ye ik kitaab huaa bahr-e-aalam mein sab hain dam-bhar ke gham hue main huaa habaab huaa ab kahaan raatein aish ki 'saabir' vo zamaana khayaal-o-khvaab huaa"

"pher kar tegh-e-nazar tegh-e-jafaa se pahle maar Daalaa mujhe zaalim ne qazaa se pahle ab miraa khun-e-jigar haathon mein malte hain vo us se nafrat thi jinhein rang-e-hinaa se pahle zulf mein chhune na paayaa ki bandhe mere haath di sitamgar ne sazaa mujh ko khataa se pahle shauq-e-didaar ki tezi se main aksar har subh kucha-e-yaar mein jaataa huun sabaa se pahle aisi taasir pe sau jaan se sadme qurbaan mere ghar aa gae vo meri duaa se pahle paas 'saabir' kaa buto aaj na karnaa paDtaa duur rahte agar is mard-e-khudaa se pahle"