Ghazal

"kinaare par jab us ne paanv Daale nadi paani se boli jaa nahaa le use kahnaa koi rastaa nikaale baraae naam hi mujh ko manaa le gale se tu jise hans kar lagaa le vo saare shahr ko sar par uThaa le qayaamat tak vahi zinda rahegaa jise dard-e-mohabbat maar Daale ye jo sahraa hai divaanon kaa ghar hai na divaarein na darvaaze na taale nahin hain ishq ki daulat se vaaqif miri barbaadiyon par hansne vaale tasavvur mein tiri aahaT ko sun kar khushi se naach uThte hain ujaale vo paagal hai gulon mein khojtaa hai pasine se tire khushbu banaa le ab us se yuun bichhaDnaa bhi nahin hai use kahnaa nae pahlu nikaale nahin hai ab kisi aandhi ke bas mein mire ghar se tiri khushbu uDaa le"

"zindagi bhar kaa ronaa gaanaa hai qaid-khaana to qaid-khaana hai chuuk ke naam par bhi chuuk nahin kitnaa zaalim tiraa nishaanaa hai vo zamaana bhi kyaa zamaanaa thaa ye zamaana bhi kyaa zamaanaa hai jaise chaahein sajaa ke pesh karein aap hain aur gharib-khaana hai kyaa ajab shart hai mohabbat ki vaqt-e-rukhsat bhi muskuraanaa hai main huun bimaar tum chale aao ab yahi aakhiri bahaanaa hai aur kuchh din kharaab kar lo yahin phir tumhein lauT kar bhi aanaa hai yaad karnaa hai ek pal tum ko aur phir der tak bhulaanaa hai haan taalluq hamin ne toD diyaa ab sabhi ko yahi bataanaa hai"

"ek duniyaa hasin chaahte hain saanp ab aastin chaahte hain rukhsati ke liye nahin uThte haath aaraa machine chaahte hain chhu nahin sakte aasmaan se tujhe chaand taare zamin chaahte hain tum judaa ho ke lauT aaoge ham yahi to yaqin chaahte hain meri khvaahish to sirf aap hi hain aap kyaa behtarin chaahte hain"

"taalluq TuTne kaa gham uThaanaa bhi zaruri thaa zaruri tum bhi the lekin zamaana bhi zaruri thaa teri aankhon ki bechaini miri zanjir thi lekin khaDi thi rail-gaaDi aur jaanaa bhi zaruri thaa mohabbat kaa badal kuchh bhi agar hai to mohabbat hai gae the jis tarah vaise hi aanaa bhi zaruri thaa agar main farz thaa to phir nibhaayaa kyon nahin tum ne agar main qarz thaa to phir chukaanaa bhi zaruri thaa main kab tak raaz rakhtaa dil mein apni bevafaai kaa ye baat aa kar tumhein ik din bataanaa bhi zaruri thaa fazaa mein is tarah uDtaa rahegaa mustaqil kab tak parinde ke liye ik aashiyaanaa bhi zaruri thaa"

"aankhein gaiin surur gayaa lat chali gai tum kyaa gae ki saari zarurat chali gai tum ko pata hai tum se bichhaDne pe kyaa huaa ham ko akelaa chhoD ke himmat chali gai barson jise kamaane mein dil ne lagaa diye aankhon ke raaste se vo daulat chali gai kal ham talaash mein the koi aaina mile ab aaina milaa hai to surat chali gai ab chhoDiye bhi kaisaa munaafa kahaan kaa suud is kaarobaar-e-ishq mein laagat chali gai"

"us ne mujh se ghalat-bayaani ki ye alaamat bhi hai javaani ki sirf aankhein hi nam nahin kartaa aur bhi khubiyaan hain paani ki aap ko niind aa rahi hai kyaa ibtidaa hai abhi kahaani ki haan chhupaa kar to rakh diyaa lekin kaise khushbu miTe nishaani ki luTne mein lage rahe saare dil pe jis jis ne hukmraani ki aansuon ko bhi kar diyaa nilaam aap ne khuub mehrbaani ki"

"ab koi chaara-saaz hai bhi nahin chhoDo umr-e-daraaz hai bhi nahin sochtaa huun bataa hi duun sab ko ab tiraa raaz raaz hai bhi nahin miir ki is ghazal mein bas tum ho dusraa nim-baaz hai bhi nahin aap jab chaahein toD sakte hain dil pe ab mujh ko naaz hai bhi nahin gham ghalat ho gae hon yaa maulaa varna ab to majaaz hai bhi nahin zindagi khud riyaaz hai apnaa aur koi riyaaz hai bhi nahin chaara-saazo tasalliyaan kar lo dil mein ab koi raaz hai bhi nahin"

"ab koi chaara-saaz hai bhi nahin chhoDo umr-e-daraaz hai bhi nahin sochtaa huun bataa hi duun sab ko ab tiraa raaz raaz hai bhi nahin 'mir' ki is ghazal mein bas tum ho dusraa nim-baaz hai bhi nahin aap jab chaahein toD sakte hain dil pe ab mujh ko naaz hai bhi nahin gham ghalat ho gae hon yaa maulaa varna ab to majaaz hai bhi nahin zindagi khud riyaaz hai apnaa aur koi riyaaz hai bhi nahin"

"us ne mujh se ghalat-bayaani ki ye alaamat bhi hai javaani ki sirf aankhein hi nam nahin kartaa khubiyaan aur bhi hain paani ki aap ko niind aa rahi hai kyaa ibtidaa hai abhi kahaani ki haan chhupaa kar to rakh diyaa lekin kaise khushbu miTe nishaani ki luTne mein lage rahe saare dil pe jis jis ne hukmraani ki aansuon ko bhi kar diyaa nilaam aap ne khuub mehrbaani ki saari basti mein aag lagvaa kar us ne rakh li dukaan paani ki"

"go ki thak-haar kar uDaan chali phir bhi vo su-e-aasmaan chali jo mukammal hui thi pal bhar mein muddaton tak vo daastaan chali dil ki maanein ki aql ki maanein zindagi bhar ye khinch-taan chali jaane vaale palaT ke dekh to le pichhe pichhe hamaari jaan chali maut jaane hui hai paas ki fail zindagi de ke imtihaan chali jang saari tumhin ko le kar thi zehn-o-dil ke jo darmiyaan chali us ne khaamosh kar diyaa mujh ko jis ki khaatir miri zabaan chali"

"maut kaa kuchh khiraaj thaa bhi nahin us se achchhaa ilaaj thaa bhi nahin dil pe hi roke zindagi ke vaar aur kuchh mujh pe aaj thaa bhi nahin sun ke har baat an-suni karnaa ye tumhaaraa mizaaj thaa bhi nahin us ne pal bhar mein mujh ko chhoD diyaa ishq mein ye rivaaj thaa bhi nahin ishq ne hi kiyaa use takhliq varna pahle samaaj thaa bhi nahin chaarasaazon ne zahr hi likkhaa aur koi ilaaj thaa bhi nahin ishq mein kal sivaae rone ke dusraa kaam-kaaj thaa bhi nahin"

"zindagi bhar yahi azaab rahaa mujh pe mubham tiraa javaab rahaa jaise tu be-hisaab thaa meraa dukh bhi vaise hi be-hisaab rahaa zindagi to hasin thi lekin bas miraa tajraba kharaab rahaa aur Thahro abhi chale jaanaa chand lamhon kaa bas hisaab rahaa naaz naakaamiyon pe kartaa vo main mohabbat mein kaamyaab rahaa qaid-e-jaan se main ho gayaa aazaad ye rahaa tu ye teraa khvaab rahaa"

"main ne puchhaa khushi mili ki nahin chikh kar boli zindagi ki nahin dar pe ik aarzu rakh aaya thaa vo abhi tak tumhein mili ki nahin aaina to jhaTak diyaa tum ne us ki jhankaar bhi suni ki nahin kab se rakkhaa huun main dukaan pe teri koi qimat miri lagi ki nahin itnaa nashsha tumhaari aankhon mein sach bataanaa kabhi chhui ki nahin kitne jhuTon mein sach ko rakkhaa hai baat phir bhi koi bani ki nahin muddaton se maraa paDaa huun main nabz dekho abhi thami ki nahin"

"kaun suntaa hai gham ke maaron ki shart kaisi kiraae-daaron ki vo samajhtaa nahin ishaaron ki tum ko sujhi hai istiaaron ki munhasir sab hai tere aane par apni marzi kahaan bahaaron ki kashtiyaan jab talak nahin lauTin saans aTki rahi kinaaron ki apne jugnu bahut hain shab ke liye kyon khushaamad karein sitaaron ki naav sab raaston se vaaqif hai jaan saansat mein hai savaaron ki"

"is tarah main use bhulaataa huun pattharon par likhaa miTaataa huun taaki us zindagi ko Dar na lage maut ke faaede ginaataa huun roz martaa huun apne andar main roz ik laash main uThaataa huun dard mein kuchh kami si lagti hai zakhm par zakhm jab lagaataa huun saans jaati hai le ke duur mujhe saans aati hai lauT aataa huun vasl kaa tajraba nahin hai mujhe hijr ki shaaeri sunaataa huun raqs karti hain gum-shuda yaadein aaj sab aaina bujhaataa huun jaantaa huun ki dar khuleinge nahin be-sabab chaabiyaan ghumaataa huun pahle kartaa huun khud use naaraaz aur phir der tak manaataa huun dhaDkanon shor kam karo kuchh der main bas un ko bulaa ke laataa huun"

"kis saliqe se dil jalaataa hai jo bhi kahtaa huun maan jaataa hai jab uThaataa huun bazm-e-dil se use aa ke aankhon mein baiTh jaataa hai jaan kar main sadaa nahin detaa aadatan dil use bulaataa hai dusron ki sajaai mahfil mein teraa hansnaa mujhe rulaataa hai ruThnaa chhoD hi diyaa tum ne is tarah kaun aazmaataa hai itifaaqan main yaad kartaa huun intiqaaman vo yaad aataa hai mujh ko chhutaa hai ehtiyaat ke saath aur rasman gale lagaataa hai"