haath se kho na baiThnaa us ko — Abdul Hamid Adam

saaqi mujhe sharaab ki tohmat nahin pasand
mujh ko tiri nigaah kaa ilzaam chaahiye

ijaazat ho to main tasdiq kar luun teri zulfon se
sunaa hai zindagi ik khub-surat daam hai saaqi

savaal kar ke main khud hi bahut pashemaan huun
javaab de ke mujhe aur sharmsaar na kar

marne vaale to khair hain bebas
jiine vaale kamaal karte hain

mai-kada hai yahaan sukun se baiTh
koi aafat idhar nahin aati

ai gham-e-zindagi na ho naaraaz
mujh ko aadat hai muskuraane ki

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

use kaho ki akaarat gayaa hai samjhaanaa
use kaho ki taDaptaa hai dil khamoshi se

mushkilon mein muskuraanaa sikhiye
phuul banjar mein ugaanaa sikhiye

yaqin un ke vaade pe laanaa paDegaa
ye dhokaa to daanista khaanaa paDegaa

apni vahshat se hai shikva dusre se kyaa gila
ham se jab baiThaa na jaae ku-e-jaanaan kyaa kare