chillaa rahaa huun qulqul-e-minaa-e-mai ki shakl — Imdad Ali Bahr

sau fasaad ek ishq mein uTThe
boyaa ik tukhm uge hazaar darakht

mire qatl par tum ne biiDaa uThaayaa
mire haath kaa paan khaayaa to hotaa

mire baghair na ik-dam use qaraar aataa
zaraa bhi zabt jo mujh be-qaraar mein hotaa

ham na kahte the hansi achchhi nahin
aa gai aakhir rukaavaT dekhiye

khush raho yaar agar ham se ho bezaar bahut
dil agar apnaa salaamat hai to dildaar bahut

qaazi ko jo rind kuchh chaTaa dein
masjid ki baghal mein mai-kada ho

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

aae kuchh abr kuchh sharaab aae
is ke baa'd aae jo azaab aae

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di

tumhaari yaad nikalti nahin mire dil se
nasha chhalaktaa nahin hai sharaab se baahar

'ghaalib' chhuTi sharaab par ab bhi kabhi kabhi
piitaa huun roz-e-abr o shab-e-maahtaab mein