jo teri aarzu mujh ko na hoti — Inam Nadeem

bujh jaaegaa ik roz tiri yaad kaa shola
lekin mire siine mein dhuaan yuun hi rahegaa

ye mohabbat bhi ek neki hai
is ko dariyaa mein Daal aate hain

apni hi ravaani mein bahtaa nazar aataa hai
ye shahr bulandi se dariyaa nazar aataa hai

jiye garche isi duniyaa mein ham bhi
magar duniyaa hamaari aur hi thi

pukaarte the mujhe aasmaan magar main ne
qayaam karne ko ye khaak-daan pasand kiyaa

ham Thahre raheinge kisi taabir ko thaame
aankhon mein koi khvaab ravaan yuun hi rahegaa

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

kuchh arz-e-tamannaa mein shikva na sitam kaa thaa
main ne to kahaa kyaa thaa aur aap ne kyaa jaanaa

sunaa haal-e-dil-e-'majruh' shab ko
koi hasrat si hasrat thi bayaan mein

jaan hai to jahaan hai dil hai to aarzu bhi hai
ishq bhi ho rahegaa phir jaan abhi bachaaiye

muddaton us ki khvaahish se chalte rahe haath aataa nahin
chaah mein us ki pairon mein hain aable chaand ko kyaa khabar

khun-e-jigar aankhon se bahaayaa gham kaa sahraa paar kiyaa
teri tamannaa ki kyaa ham ne jivan ko aazaar kiyaa