ham be-khudaan-e-mahfil-e-tasvir ab gae — Mir Taqi Mir

jab ki pahlu se yaar uThtaa hai
dard be-ikhtiyaar uThtaa hai

maarka garm to ho lene do khun-rezi kaa
pahle shamshir ke niche hamin jaa baiTheinge

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

dikhaai diye yuun ki be-khud kiyaa
hamein aap se bhi judaa kar chale

'mir'-saahib zamaana naazuk hai
donon haathon se thaamiye dastaar

mire saliqe se meri nibhi mohabbat mein
tamaam umr main naakaamiyon se kaam liyaa

na tum hosh mein ho na ham hosh mein hain
chalo mai-kade mein vahin baat hogi

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

sau fasaad ek ishq mein uTThe
boyaa ik tukhm uge hazaar darakht

'ghaalib' chhuTi sharaab par ab bhi kabhi kabhi
piitaa huun roz-e-abr o shab-e-maahtaab mein

na gul khile hain na un se mile na mai pi hai
ajiib rang mein ab ke bahaar guzri hai

ham pe guzraa hai vo bhi vaqt 'khumaar'
jab shanaasaa bhi ajnabi se mile