kab vo paighaam-rasaa ho ki mujhe sabr nahin — Osaama Ameer

'aurat ke khaal-o-khad pe bahut daad ho ki ye
mere khudaa kaa shohra-e-aafaaq she'r hai

shahzaadi is dil ki shiddat baDhti jaati hai
ye naaraazi khatm karo aur phuul qubul karo

na tum hosh mein ho na ham hosh mein hain
chalo mai-kade mein vahin baat hogi

zindagi zor hai ravaani kaa
kyaa thamegaa bahaav paani kaa

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di

kahaan milegi misaal meri sitamgari ki
ki main gulaabon ke zakhm kaanTon se si rahaa huun

aae kuchh abr kuchh sharaab aae
is ke baa'd aae jo azaab aae

jiite ji ham to gham-e-fardaa ki dhun mein mar gae
kuchh vahi achchhe hain jo vaaqif nahin anjaam se