pairon se baandh letaa huun pichhli masaafatein — Sarfaraz Khalid

kisi ne jaan hi luTaa di vafaaon ki khaatir
tum hi bataao ki qissa ye kis kitaab kaa hai

lambi hai bahut aaj ki shab jaagne vaalo
aur yaad mujhe koi kahaani bhi nahin hai

vo bhi na aayaa umr-e-guzishta ke misl hi
ham bhi khaDe rahe dar-o-divaar ki tarah

tiri duaaein bhi shaamil hain koshishon mein miri
musibaton kaa na Talnaa ajiib lagtaa hai

siyaah raat ke pahlu mein jism ke andar
kisi gunaah ki khvaahish ko paalte rahnaa

ham kisi aur vaqt ke hain asiir
subh ke shaam ke rahe hi nahin

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ghamon par muskuraa lete hain lekin muskuraa kar ham
khud apni hi nazar mein chor se maalum hote hain

tu chale saath to aahaT bhi na aae apni
darmiyaan ham bhi na hon yuun tujhe tanhaa chaahein

dauDti haanpti aai thi udaasi mujh tak
mere siine se lagi aur zaraa sustaai