saaqi kaa aur sharaab kaa ho zikr baar baar — Shaukat Jamal

chaahte to the mire aghyaar tu paidaa na ho
phir bhi ye himmat hai teri tu agar paidaa huaa

bolin ki kaam karne ki khugar nahin huun main
biivi huun aap ki koi shauhar nahin huun main

pi gai thi ghol kar 'aazaad' ki aab-e-hayaat
tab kahin ghar mein mire tujh saa pisar paidaa huaa

khaanaa khulne kaa hi elaan agar farmaa dein
ham ye samjheinge ki taqrir-e-sadaarat bakhshi

mumkin nahin ghazab se bachein ham janaab ke
baalishtiyon ko bhi na agar sarv saa likhein

facebōk hi aaj-kal chaupaal hai
chauk par milte kahaan hain chaar dost

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

aae kuchh abr kuchh sharaab aae
is ke baa'd aae jo azaab aae

zakhm kahte hain dil kaa gahna hai
dard dil kaa libaas hotaa hai

sarson jo phuli dida-e-jaam-e-sharaab mein
bint-ul-anab se karne lagaa shokhiyaan basant

kis ko khabar hain kitne bahakte hue qadam
makhmur ankhDiyon kaa sahaaraa liye hue