ba-juz mere yahaan meri vafaa kaa — Tahir Adeem

hain dastaras mein abhi bhi 'taahir' uThaa ke ab is ko pi bhi Daalo
mushaahidon mein hi ho gai gar ye ThanDi chaae to kyaa karoge

har ek rasta-e-paayaab se nikalnaa hai
saraab-e-umr ke har baab se nikalnaa hai

faqat tum hi nahin naaraaz mujh se jaan-e-jaanaan
mire andar kaa insaan tak khafaa hai intihaa hai

mujhe vo chhoD kar jab se gayaa hai intihaa hai
rag-o-pai mein fazaa-e-karbalaa hai intihaa hai

rang kyaa ajab diyaa meri bevafaai ko
us ne yuun kiyaa ki mere khat jalaae uud mein

khirad ke laakh qaasid hain to honge
junun kaa naama-bar koi nahin hai

hain yaadgaar-e-aalam-e-faani ye donon chiiz
us ki jafaa aur apni vafaa likh rakheinge ham

jafaa se unhon ne diyaa dil pe daagh
mukammal vafaa ki sanad ho gai

aa umr-e-rafta hashr ke dam-kham bhi dekh lein
tufaan-e-zindagi ki vo halchal uThaa to laa

ab dilon mein koi gunjaaish nahin milti 'hayaat'
bas kitaabon mein likkhaa harf-e-vafaa rah jaaegaa

vo mujh ko bhuul chukaa ab yaqin hai varna
vafaa nahin to jafaaon kaa silsila rakhtaa

jaane kyaa soch ke ham tujh se vafaa karte hain
qarz hai pichhle janm kaa so adaa karte hain