Sher

"kyon tasavvur men ji raha huun main jab haqiqat men mar hi jaana hai"

"Thiik aa.i tan pe apne qaba-e-barahnagi baani libas chhoTe hue ya baDe hue"

"apne hain sab paraya koi nahin par mire dukh men aaya koi nahin"

"mohabbat, hijr, nafrat mil chuki hai main taqriban mukammal ho chuka huun"

"bas ik khana-badoshi hai ki ab tak saath hai apne ta.ayyush hai tasavvur men bhi ab koi makan rakhna"

"zara parda haTa do samne se bijliyan chamken mira dil jalva-gah-e-tur ban jaa.e to achchha ho"

"us ke munh pe mukar gaya tha dil aaj had se guzar gaya tha dil"

"aur koi pahchan miri banti hi nahin jante hain sab log ki bas tera huun main"

"nuuh baiThe hain charpa.i par charpa.i pe nuuh baiThe hain"

"tujh se hijab kya magar ai ham-nashin na puchh us dard-e-hijr ko jo shab-e-gham uTha nahin"

"har taraf hain khana-barbadi ke manzar be-shumar kuchh Thikana hai bhala is jazba-e-tamir ka"

"adab hi zindagi men jab na aaya adab men itni mehnat kis liye hai"

"saare saval asan hain mushkil ek javab ham bhi ek javab hain koi saval kare"

"TuTen vo sar jis men teri zulf ka sauda nahin phuTen vo ankhen ki jin ko diid ka lapka nahin"

"nahin nahin main bahut khush raha huun tere baghair yaqin kar ki ye halat abhi abhi hui hai"

"tumhen fursat ho duniya se to ham se aa ke milna hamare paas fursat ke siva kya rah gaya hai"

"dil ne paaya qarar pahlu men gardish-e-ka.enat khatm hui"

"jaan jaane ko hai aur raqs men parvana hai kitna rangin mohabbat tira afsana hai"

"koi bhi khush nahin hai is khabar se ki duniya jald lauTegi safar se"

"ham ghulami ko muqaddar ki tarah jante hain ham tiri jiit tiri maat se nikle hue hain"

"zarurat Dhal ga.i rishte men varna yahan koi kisi ka apna kab hai"

"sab khvab purane hain har chand fasane hain ham roz basate hain ankhon men na.i duniya"

"vasl ka din aur itna mukhtasar din gine jaate the is din ke liye"

"suraj huun zindagi ki ramaq chhoD ja.unga main Duub bhi gaya to shafaq chhoD ja.unga"