Ghazal

"ham se guftugu aise de koi bayaan jaise qaaede ke lafzon ko mil gai zabaan jaise dosti ki ye manzil hai vabaal-e-jaan kitni baat baat par abru khinch gae kamaan jaise baat-chit yaaron se pul-siraat par chalnaa lafz miltaa rahtaa hai bazm ho dukaan jaise dekhtaa huun chehron ko main talaash mein apni naqsh khuub ghairon ke hon miraa nishaan jaise yuun sambhaal kar rakh li dil mein dhuul yaadon ki kaarvaan ki manzil ho gard-e-kaarvaan jaise"

"tulu-e-subh se kab kab zavaal-e-shab se huaa jahaan mein nuur faqat barq-e-nutq-o-lab se huaa judaa judaa the bahut nek-naam ham donon malaamaton kaa hadaf hain milaap jab se huaa mile ho tum to hui qadr dil ko lamhon ki guzar chuki hai bahut par hisaab ab se huaa har ek chaahne vaalaa banaa hai khusrav-e-gham dayaar-e-ishq mein ye inqalaab kab se huaa lahu ki dhaar ko samjhe haqir khanjar se zavaal saahab-e-jaanaan isi sabab se huaa kisi adaa ko sitam kah diyaa kisi ko karam ye ikhtiyaar dil-e-zaar tum ko kab se huaa saji hain dil mein tumhaare karam ki tasvirein idhar se gham kaa guzar bhi baDe adab se huaa"

"muskuraa dein to koi khair-khabar aa jaae huun jo barham to kaTaa tasht mein sar aa jaae dosto raah mein manzil ke nishaan bhi dekho chalte chalte na phir aaghaaz-e-safar aa jaae munfarid husn ki dushvaar hai parda-daari sau hijaabon mein bhi andaaz nazar aa jaae raat ki baat rahe parda-e-taariki mein shaam kaa bhulaa agar subh ko ghar aa jaae itni maasum si khvaahish bhi to puuri na hui khud-bakhud raat guzarne pe sahar aa jaae"

"jab lagi aanch to shoale se sharaare TuuTe baDh gai raat ki zulmat to sitaare TuuTe ishq kaa naaz vafaa husn kaa ehsaan jafaa ham jo TuuTe to mohabbat ke idaare TuuTe ab khulaa raaz ki hain khvaab hi duniyaa ke sutun zalzale aae hain jab khvaab hamaare TuuTe vo kahin chhoD na de ye na jafaa ho jaae ek janjaal se chhuTe jo sahaare TuuTe ham ghubaaron ke sahaare to bahut auj pe the jab haqiqat ki lagi dhuup ghubaar TuuTe ab to kuchh jaan hi salaamat hai na tan hi mahfuz sab ko ujlat sabhi khud-kaar ishaare TuuTe"

"kyaa kyaa hui hai baat ki tahqir dekhiye chup-chaap kahne vaale ki tasvir dekhiye guzri tamaam umr to taamir-e-khvaab mein fursat kahaan ki khvaab ki taabir dekhiye sidq-e-maqaal shoala-e-uryaan banaa gayaa taqdir mein tapish hai ki tanvir dekhiye kyaa daur hai ki lafz se maani nikal gae khaali makaan ki shaukat-e-taamir dekhiye jaur-o-karam kaa farq hi zehnon se miT gayaa kyaa kyaa hui jafaaon ki tafsir dekhiye"

"rau mein jazbon ki bah gae ham log khushk saahil pe rah gae ham log zulmat-o-nur ke kinaae mein baat naazuk si kah gae ham log har musaahib bahut khajil paayaa jab kabhi pesh-e-shah gae ham log munakis thi tiri ziyaa ham mein tu jo Duubaa to kah gae ham log is tanaasub se ham subuk Thahre jis qadar su-e-mah gae ham log"

"bastiyaan chup jo huiin bin bole shahr-e-khaamosh mein madfan bole baaghbaani kaa hai sab ko daave aa gayaa vaqt ki gulshan bole nok-e-khanjar pe sadaa tulti hai ab agar bol sake fan bole dil pe hain naqsh vo teri baatein jab zabaan gung hui tan bole koi pairaaya-e-izhaar to ho chup hain alfaaz to dhaDkan bole"

"raqsaan sharaar-e-dil tiri mauj-e-sukhan se thaa tanhaai mein ye qurb tiri anjuman se thaa meraa sukhan hi thaa miraa sarmaaya-e-hayaat phir main huaa shahid bhi apne sukhan se thaa daanishvari kaa zahr na thaa mujh pe kaargar mere libaas-e-khaas khirad ke kafan se thaa luTne se bhi sivaa thaa shikast-e-yaqin kaa gham shab-khun kaa ehtimaal to thaa raahzan se thaa the yaar-e-tez-gaam bhi jaada-shanaas bhi rukh un kaa jo bhi thaa vo havaa ke chalan se thaa un se bichhaD ke huun koi aavaara ruuh main goyaa miraa vajud unhin ke badan se thaa gulchin-o-baaghbaan hi nahin vaaris-e-chaman murghaan-e-naghma-khvaan kaa bhi rishta chaman se thaa"

"raahbar kyaa kare duaa ke sivaa sab hain kaj-rau shikasta-paa ke sivaa pasti-e-khaak se gila to bajaa kyaa milaa auj par khalaa ke sivaa sab dikhaate hain aag khirman ko hai muhaafiz koi khudaa ke sivaa ab to sab ko hi aazmaa baiThe maa-sivaa khud ke aur khudaa ke sivaa kaun ham se qadam milaa ke chalaa ek sabr-e-gurez-paa ke sivaa"

"sab ki zabaan pe zikr tiri tund-khu kaa thaa mere labon pe qufl tiri aabru kaa thaa main gu-magu mein hi tire dar se palaT gayaa aavaaz doston ki thi lahja adu kaa thaa chaaragaron ko fikr thi naam-o-numud ki go ehtimaam zakhm-e-jigar ke rafu kaa thaa main bahr-e-zindagi mein jazira-numaa rahaa duniyaa se ek rabt tiri aarzu kaa thaa har khub-ru se main ne kiyaa vaada-e-vafaa sab aainon mein aks mire khub-ru kaa thaa maahir huun main bhi khubi-e-guftaar kaa magar darpesh marhala sukhan-e-ru-ba-ru kaa thaa jo harf mein na saut mein izhaar paa saki sab doston mein zikr usi guftugu kaa thaa"

"kisi taraf na girah kaa siraa dikhaai de na koi naakhun-e-uqda-kushaa dikhaai de yahi tilism to aivaan-e-eqtidaar mein hai ki khud ko banda-e-aajiz khudaa dikhaai de tamaam-shahr ne chehre badal liye shaayad taras gae hain koi aashnaa dikhaai de mashaam-e-jaan tiri khushbu se is qadar maanus mahak badan ki ba-dosh-e-sabaa dikhaai de zamin kaa chaand miraa kaaenaat mein yaktaa agar hai us saa koi dusraa dikhaai de"

"kis qadar zakhm-e-dil-e-zaar ne khaae hain abhi laaf-zan mil ke mire yaar se aae hain abhi raat ko aaeinge ifrit mujassam ban kar ye ujaale mein jo divaar pe saae hain abhi un ke viraan khanDar umr ke saath honge kahaan dil ne aivaan jo trahdaar sajaae hain abhi jis taraf aankh uThe jalva-e-rangin dekhein aankh mein khalvat-e-dildaar ke saae hain abhi naaz se jins-e-dil-o-jaan ki numaaish itni aap kyaa ishq ke baazaar mein aae hain abhi"

"sitam kaa haath na rokaa magar buraa to kahaa jo zer-e-lab sabhi kahte the barmalaa to kahaa tamaam-shahr thaa munkir tire taalluq se gharib-e-shahr tujhe ham ne aashnaa to kahaa pighal rahi hai taghaaful ki barf ab shaayad ki muskuraa ke mujhe yaar bevafaa to kahaa vafaa kaa qaht hai itnaa ki ab sar-e-maqtal main is pe khush huun ki yaaron ne marhabaa to kahaa hoi na sina-sipar go himaayat-e-haq mein jo misl-e-tegh thaa vo harf-e-haq-numaa to kahaa"

"jalva-e-shaam hai ye subh kaa manzar to nahin chaand kaisaa bhi ho suraj ke baraabar to nahin qaht-e-shamshaad-e-qadaan vajh-e-sar-afraazi hai varna sarkaar kuchh aise bhi qad-aavar to nahin ism-e-aazam koi phunke to ye jaadu TuuTe but bane sehr se ham-sang ke paikar to nahin kaam aaegi sarv-o-sang ki nisbat varna dar-numaa naqsh hain divaar pe ye dar to nahin jazba-e-shauqat-e-taamir banaa marqad-e-shauq is nae shahr ke ye taaj-mahal ghar to nahin"

"dosti ki justuju hai shahr mein ham bhi moti DhunDte hain nahr mein ghaur se dekhaa to har khurshed chaand tab-e-raushan kitni kam hai dahr mein jab bhi chaahaa chal paDi maazi ki film aisi qudrat yaad ki ik lahr mein jaante hain kuchh hamein insaan-zada farq insaan aur khudaa ke qahr mein shiddat-e-ehsaas thi inaam-e-ishq shahd ab shirin na talkhi zahr mein ret par the kis qadar naqsh-e-jamil ho gae sab jazb chaDhti lahr mein"

"azaab ham pe jo naazil huaa khudaa se na thaa ki tu razaa se muqaddar huaa qazaa se na thaa ye haal-e-zaar to aashob-e-aagahi se huaa ki gul-darida-jigar mauja-e-sabaa se na thaa khanDar to shahr-e-dil andar ke zalzalon se huaa ye zulm teri jafaa yaa tiri vafaa se na thaa bikhre gae gul-e-naazuk havaa ke jhonke se gilaa jo thaa to nazaakat se thaa havaa se na thaa dil-o-dimaagh pe thaa ikhtiyaar ham ko bhi hayaat par ye tasarruf tiraa sadaa se na thaa tiri hayaat khilaunaa bani muqaddar kaa sabab ye hai ki tiraa raabta khudaa se na thaa mujhe to jo bhi milaa aaina-ba-dast milaa main jabr-e-ghair se thaa khud-nigar anaa se na thaa"

"ghariq-e-jalva kisi jalva-gar ko kyaa dekhe jo teri dhun mein chalaa rahguzar ko kyaa dekhe sahar ke saath hi sar par chaDhaa pahaaD saa din sar-e-khamida jamaal-e-sahar ko kyaa dekhe dabe hue hain makin baar-e-sang-e-aahan se gharib-e-shahr yahaan baam-o-dar ko kyaa dekhe musaafiron ki tarah manzilein safar mein hain kidhar ko jaae koi rahguzar ko kyaa dekhe lagan hai sab ko siyaasat ki dhun hai daulat ki ab is junun mein koi khair-o-shar ko kyaa dekhe sukhi huun ghar pe lagaa kar khulus ki takhti ab aae kaun udhar mere ghar ko kyaa dekhe nae nisaab mein tir-e-nazar kaa baab nahin so chaaragar mire zakhm-e-jigar ko kyaa dekhe"

"ham se ab raah pe aane vaale rah gae raah dikhaane vaale ham ne lo un kaa sahaaraa chhoDaa ab sambhaalein bhi zamaane vaale phir vahi dost vahi fursat-e-gham aa gae duur puraane vaale ab hai aasudgi-e-marg-e-davaam uTh gae hashr uThaane vaale lo vahi shaah bane baiThe hain ham ko shaahon se laDaane vaale"

"kabhi to un ki taraf se safaaiyaan itni kabhi adaa-e-jafaa par duhaaiyaan itni ham ajnabi the to thiin ham mein khubiyaan kyaa kyaa mile to niklin hamin mein buraaiyaan itni miraa khayaal to ye hai ki ab se khul ke milein jab ehtiyaat pe hain jag-hansaaiyaan itni gilaa thaa bahr-e-gila lekin ab to shak guzraa huzur pesh na karte safaaiyaan itni firaaq-e-ramz-e-mohabbat sahi pa milte raho ki ajnabi hi na kar dein judaaiyaan itni"

"mahfil-e-gham mein ziyaa to hogi dil jaleinge to jilaa to hogi kurra-e-arz ko hi lauT chalo saans lene ko havaa to hogi koi samjhe ki na samjhe lekin baat honTon se judaa to hogi main to is shahr se naa-vaaqif huun is mein sach baat ravaa to hogi lab to khaamosh hain hasb-e-irshaad dil dhaDakne ki sadaa to hogi"

"ham baDe dasht-e-balaa se guzre un se guzre na khudaa se guzre baarhaa shahr-e-vafaa se guzre ek sunsaan fazaa se guzre ham ne har baar dar-e-dil kholaa haadse teri adaa se guzre dil mein bikhre the tiri yaad ke phuul gham ke lashkar bhi sabaa se guzre talkh yaadon mein thi khushbu-e-vafaa ab ke jab ku-e-jafaa se guzre har qadam tiir malaamat ke chale laakh ham sidq-o-safaa se guzre ab hai tanhaai-e-dasht-e-furqat raunaq-e-ku-e-jafaa se guzre"

"jab ginaa qarz chukaane aae sab ke phir hosh Thikaane aae tham gai gard to sab ne dekhaa sab tabaahi ke dahaane aae kis balaa ki hai kashish vaadon mein log phir jaan luTaane aae mere hamdard hain naadaan kitne hijr kaa dard baTaane aae dil kaa ye haal huaa hai jin se vo bhi ehsaan jataane aae"

"laghzish-e-paa mein fasaane kitne tai hue pal mein zamaane kitne koi gaahak na milaa vaadon kaa ho gae log siyaane kitne main talab thaa sar-e-darbaar-e-jafaa mil gae yaar puraane kitne aap ko kaam bahut din chhoTe ji na chaahe to bahaane kitne ab to sad-chaak hain gul ke parde raaz khole hain sabaa ne kitne main na pahchaan sakaa aaj unhein ban gae is pe fasaane kitne"

"kuchh dinon se ye hui baat nai jab milo un se mulaaqaat nai main usi vaz-e-kuhan kaa paaband siikh liin aap ne aadaat nai roz-o-shab kaa bhi tavaatur TuuTaa subh-dam phuuT paDi raat nai baazi-e-ishq hai kitni dilchasp husn ki chaal vahi maat nai aam hain taaj-mahal vaadon ke aap kyaa laae hain saughaat nai"