rah-e-vafaa mein unhin ki khushi ki baat karo — Abu Mohammad Wasil Bahraichi

mujhe vo baaton baaton mein agar divaana kah dete
to divaanon mein meri mo'atabar divaangi hoti

vafaadaari ghurur-e-be-rukhi ko khatm kar degi
ziyaada to nahin kuchh din rahein vo bad-gumaan shaayad

hansaa karte hain akasr log divaanon ki baaton par
jahaan vaale nahin samjhe mohabbat ki zabaan shaayad

agar teri tarah tabligh kartaa pir-e-mai-khaana
to duniyaa-bhar mein vaaiz mai-kashi hi mai-kashi hoti

mizaaj-e-husn to ik haal par rahaa qaaem
luTaane vaalon ne sab kuchh luTaa ke dekh liyaa

dil ke aaine mein jab aap ki surat dekhi
jis ko dhokaa main samajhtaa thaa vo dhokaa bhi gayaa

kam-umri mein sunet hain
mar jaate hain achchhe log

umr hi teri guzar jaaegi un ke hal mein
teraa bachcha jo savaalaat liye baiThaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

bas ek pal ki tamannaa-e-vasl ki khaatir
tamaam 'umr lagaa di gai sanvarne mein