mere saath su-e-junun chal mire zakhm khaa miraa raqs kar — Ajmal Siddiqui

har ek subh vazu karti hain miri aankhein
ki shaayad aaj to aa jaae vo habib nazar

bol paDtaa to miri baat miri hi rahti
khaamushi ne hain diye sab ko fasaane kyaa kyaa

kyaa kyaa na paDhaa is maktab mein, kitne hi hunar sikhe hain yahaan
izhaar kabhi aankhon se kiyaa kabhi had se sivaa bebaak huaa

jis din se gayaa vo jaan-e-ghazal har misre ki surat bigDi
har lafz pareshaan dikhtaa hai, is darja varaq namnaak huaa

kabhi khauf thaa tire hijr kaa kabhi aarzu ke zavaal kaa
rahaa hijr-o-vasl ke darmiyaan tujhe kho sakaa na main paa sakaa

vo meraa ho ki na ho kyaa gharaz mujhe is se
havas charaagh ki tum ko mujhe hai bhaataa nuur

na tum hosh mein ho na ham hosh mein hain
chalo mai-kade mein vahin baat hogi

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di

zindagi zor hai ravaani kaa
kyaa thamegaa bahaav paani kaa

kahaan milegi misaal meri sitamgari ki
ki main gulaabon ke zakhm kaanTon se si rahaa huun

'ghaalib' chhuTi sharaab par ab bhi kabhi kabhi
piitaa huun roz-e-abr o shab-e-maahtaab mein

aae kuchh abr kuchh sharaab aae
is ke baa'd aae jo azaab aae