us ke ahd-e-shabaab mein jiinaa — Akhtar Shirani

uThte nahin hain ab to duaa ke liye bhi haath
kis darja naa-umid hain parvardigaar se

kaam aa sakin na apni vafaaein to kyaa karein
us bevafaa ko bhuul na jaaein to kyaa karein

kuchh is tarah se yaad aate rahe ho
ki ab bhuul jaane ko ji chaahtaa hai

bhulaa baiThe ho ham ko aaj lekin ye samajh lenaa
bahut pachhtaaoge jis vaqt ham kal yaad aaeinge

kisi maghrur ke aage hamaaraa sar nahin jhuktaa
faqiri mein bhi 'akhtar' ghairat-e-shaahaana rakhte hain

un ras bhari aankhon mein hayaa khel rahi hai
do zahr ke pyaalon mein qazaa khel rahi hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi kaa har ik gham uThaate hue
main sanbhalne lagaa laDkhaDaate hue

zulf-e-barham ki jab se shanaasaa hui
zindagi kaa chalan mujrimaana huaa

ai adam ke musaafiro hoshiyaar
raah mein zindagi khaDi hogi