ai 'naqsh' kar rahaa thaa jinhein gharq naakhudaa — Mahesh Chandra Naqsh

yuun guzarte hain hijr ke lamhe
jaise vo baat karte jaate hain

kis tarah karein tujh se gila tere sitam kaa
madhosh ishaaron ne bhi dil toD diyaa hai

tasvir-e-zindagi mein nayaa rang bhar gae
vo haadse jo dil pe hamaare guzar gae

is Dubte suraj se to ummid hi kyaa thi
hans hans ke sitaaron ne bhi dil toD diyaa hai

aghyaar kaa shikva nahin is ahd-e-havas mein
ik umr ke yaaron ne bhi dil toD diyaa hai

kaun samjhe ham pe kyaa guzri hai 'naqsh'
dil laraz uThtaa hai zikr-e-shaam se

hain yaadgaar-e-aalam-e-faani ye donon chiiz
us ki jafaa aur apni vafaa likh rakheinge ham

tiri vafaa mein mili aarzu-e-maut mujhe
jo maut mil gai hoti to koi baat bhi thi

jafaa ki baatein sadaa banaanaa vafaa ki baatein kabhi na karnaa
khudaa ke ghar mein kami nahin hai kiye mein apne kami na karnaa

aa umr-e-rafta hashr ke dam-kham bhi dekh lein
tufaan-e-zindagi ki vo halchal uThaa to laa

'ehsaan' aisaa talkh javaab-e-vafaa milaa
ham is ke baa'd phir koi armaan na kar sake

dil ki dharti par vafaa kaa moajiza rakkhaa gayaa
phir dilon ke darmiyaan kyuun faasla rakkhaa gayaa