sahar se shaam tak chalti rahi hai chaae par chaae — Mohammad Taha Khan

haae qismat january maangi to july mili
haal kaa taalib huaa maazi tamannaai mili

vahi hai ikhtilaaf-e-baahami ki anjuman ab to
faqat shaadi ke din us ne milaai haan mein haan meri

daur-e-jamhuri mein bangladesh jaanaa thaa tujhe
aksariyyat chhoD kar zaalim idhar paidaa huaa

is dafa bachcha samajh kar chhoDe detaa huun tujhe
maar Daalungaa agar baar-e-digar paidaa huaa

jaan-e-izraail ab nakhron kaa tere gham karun
yaa main tujh par sura-e-yaasin paDh kar dam karun

sabab is kaa jo puchhaa doctor-saahab ne farmaayaa
bahut aage gae baaqi jo hain tayyaar baiThe hain

har taraf zarf-e-vazu bharte hain zaahid hui subh
saath uTh ham bhi suraahi mein mai-e-naab karein

tire hi naam ki simran hai mujh ko aur tasbih
tu hi hai vird har ik subh-o-shaam aashiq kaa

subh tak vo bhi na chhoDi tu ne ai baad-e-sabaa
yaadgaar-e-raunaq-e-mahfil thi parvaane ki khaak

har khvaab shikasta hai taamir-e-nasheman kaa
har subh ke maathe par baazaar ki garmi hai

zindagi shama ki maanind jalaataa huun 'nadim'
bujh to jaaungaa magar subah to kar jaaungaa

shaam ko subh-e-chaman yaad aai
kis ki khushbu-e-badan yaad aai