kahaan pe TuuTaa thaa rabt-e-kalaam yaad nahin — Zubair Rizvi

ye lamha lamha takalluf ke TuTte rishte
na itne paas mire aa ki tu puraanaa lage

surkhiyaan akhbaar ki galiyon mein ghul karti rahin
log apne band kamron mein paDe sote rahe

auraton ki aankhon par kaale kaale chashme the sab ki sab barahana thiin
zaahidon ne jab dekhaa saahilon kaa ye manzar likh diyaa gunaahon mein

sukhan ke kuchh to guhar main bhi nazr kartaa chalun
ajab nahin ki karein yaad maah o saal mujhe

zindagi jin ki rifaaqat pe bahut naazaan thi
un se bichhDi to koi aankh mein aansu bhi nahin

haae ye apni saada-mizaaji atom ke is daur mein bhi
agle vaqton ki si sharaafat DhunD rahi hai shahron mein

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

taana dete ho mujhe jiine kaa
zindagi meri khataa ho jaise

zindagi ab is qadar saffaak ho jaaegi kyaa
bhuuk hi mazdur ki khuraak ho jaaegi kyaa

ghazal us ne chheDi mujhe saaz denaa
zaraa umr-e-rafta ko aavaaz denaa