Ghazal

"mohabbaton kaa maaal chhoDo fasurdagi kaa zavaal rakh do sitaare le lo tum apni khaatir aur us ki khaatir hilaal rakh do glacier bhi pighal chuke hain tumhaari furqat ke rafta rafta udaasiyon ki jabin pe aao mohabbaton kaa visaal rakh do naqaahaton se ulajh paDe hain masarraton ke hasin lamhe so mere hamdam qarib aa ke malaal le lo jamaal rakh do main dast-basta mohabbaton ke safar pe tanhaa nikal paDi huun banaa ki khushiyon ko ham-safar tum mire liye ab kudaal rakh do 'hiraa' maraahim se tang aa kar ye us se kahti hain dil ki dhaDkan nikhaarte ho jo vahshaton se to mushfiqaana khayaal rakh do"

"fusun-e-shab ki siyaahi se haar jaate hain ham ahl-e-girya khamoshi se haar jaate hain sajaa ke chaaron taraf dosto vo bazm-e-nashaat sunaa hai dil ki udaasi se haar jaate hain dilon mein dard liye ahl-e-hijr nauhagar rah-e-vafaa mein asiri se haar jaate hain qabila yuun to lab-e-ju basaa liyaa lekin ham ab bhi tishna-dahaani se haar jaate hain ajiib hote hain ai shakhs dukh ke baashinde zaraa se aankh ke paani se haar jaate hain"

"dard kaa koi ham-navaa bhi nahin khvaab kyaa ab to rat-jagaa bhi nahin chaand taare hain dastaras mein tiri meri qismat mein ik diyaa bhi nahin jis ki chaahat mein gharq huun logo be-khabar vo ye jaantaa bhi nahin jaan-e-jaan dekh tere jaane se rang be-rang hain ziyaa bhi nahin main vo hirmaan-nasib huun jis ke haath khaali hain aur duaa bhi nahin"

"udaasi ke payambar the balaa ke mire hamdam qalandar the balaa ke gae to lauT kar aae nahin phir tiri aankhon mein mantar the balaa ke mili sahraa-nashini jin ko yaaro mizaajon mein samundar the balaa ke so khuun gar ho gai ye chashm-e-khubaan hamaare khvaab banjar the balaa ke kai logon ne paayaa raushni ko hamaare zakhm akhtar the balaa ke miraa sheva thaa sab se hans ke milnaa miri qismat mein khanjar the balaa ke ye ab bhi ruuh meri nochte hain tumhaare lafz nashtar the balaa ke"

"mohabbaton kaa maaal chhoDo fasurdagi kaa zavaal rakh do sitaare le lo tum apni khaatir aur us ki khaatir hilaal rakh do glacier bhi pighal chuke hain tumhaari furqat ke rafta rafta udaasiyon ki jabin pe aao mohabbaton kaa visaal rakh do naqaahaton se ulajh paDe hain masarraton ke hasin lamhe so mere hamdam qarib aa ke malaal le lo jamaal rakh do main dast-basta mohabbaton ke safar pe tanhaa nikal paDi huun banaa ke khushiyon ko ham-safar tum mire liye ab kudaal rakh do 'hiraa' maraahim se tang aa kar ye us se kahti hain dil ki dhaDkan nikhaarte ho jo vahshaton se to mushfiqaana khayaal rakh do"

"fusun-e-shab ki siyaahi se haar jaate hain ham ahl-e-girya khamoshi se haar jaate hain sajaa ke chaaron taraf doston vo bazm-e-nashaat sunaa hai dil ki udaasi se haar jaate hain dilon mein dard liye ahl-e-hijr nauhagar rah-e-vafaa mein asiri se haar jaate hain qabila yuun to lab-e-ju basaa liyaa lekin ham ab bhi tishna-dahaani se haar jaate hain ajiib hote hain ai shakhs dukh ke baashinde zaraa se aankh ke paani se haar jaate hain"

"aaegaa tire paas na duniyaa kaa koi shar ai sahib-e-ausaaf tu vannaas paDhaa kar manzur-e-nazar ahl-e-tarab hi hain tire kyon ham se bhi to tu mil kabhi sahraaon mein aa kar logo ki nigaahon se chhupaaun tujhe kaise ai shakhs tiraa naam to likkhaa hai jabin par ab aankh ke sote se nikaltaa nahin hai khuun ik umr hui suukh gayaa dard kaa saaghar tu vaadi-e-gulshan ke ujaDne kaa sabab hai ilzaam ye rakkhaa hai bahaaron ne mire sar"

"vahshaton ke nagar mein rahte hain yaani zulm-o-zarar mein rahte hain baar sar par uThaae nafrat kaa log shahr-e-khatar mein rahte hain manzilon ki talaash mein ham log raat din bas safar mein rahte hain masnad-e-dil pe jin kaa qabza ho kab vo zer-o-zabar mein rahte hain vo jo rahte the dil ki duniyaa mein ab dukhon ke khanDar mein rahte hain ham vo jiddat-pasand hain jo 'hiraa' kargason ke shahar mein rahte hain"

"salib-e-vahshat mein qaid ho kar tumhaari furqat manaa rahi huun qarib aao aur aa ke dekho main kaise gham ko baDhaa rahi huun junun ki basti mein aa ke jaanaa maaal main ne mohabbaton kaa so fasl-e-gul ko mohabbaton kaa har ek nauha sunaa rahi huun mire muqaddar mein chaar jaanib hai yuun to vahshat kaa bol-baalaa magar main hamdam tumhaari rah mein gulaab-rut ko bichhaa rahi huun tabib mere khabar hai tum ko miTaane apni ye tira-bakhti main shab ke qirtaas par lahu se tumhaari aankhein banaa rahi huun khushi ki kuchh pal bahaar mujh ko kabhi jo khairaat kar gai thi main khud ko patjhaD mizaaj kar ke ab us kaa qarza chukaa rahi huun"

"udaasi ke payambar the balaa ke mire hamdam qalandar the balaa ke gae to lauT kar aae nahin phir tiri aankhon mein mantar the balaa ke mili sahraa-nashini jin ko yaaro mizaajon mein samundar the balaa ke so khun-gar ho gai ye chashm-e-khubaan hamaare khvaab banjar the balaa ke kai logon ne paayaa raushni ko hamaare zakhm akhtar the balaa ke miraa sheva thaa sab se hans ke milnaa miri qismat mein khanjar the balaa ke ye ab bhi ruuh meri nochte hain tumhaare lafz nashtar the balaa ke"

"jinhein ham zindagaani mein sadaa dil mein basaate hain na jaane kyon hamein vo khuun ke aansu rulaate hain khudaa kaa vaasta hai ab to aa jaa mere maskan mein ki teraa raasta ham apni palkon se sajaate hain mahaaz-e-ishq mein dushvaariyaan to sab ko milti hain magar jo hon qadam saabit vahi manzil ko paate hain na jaane kitne ghar sailaab ne gharqaab kar Daale ajab hain log phir bhi ghar lab-e-saahil banaate hain hayaat-o-marg jin ke naam ham ne apni kar Daali sazaa vo qatl hone ki sar-e-mahfil sunaate hain chhupaa kar ashk aankhon mein 'hiraa' ab sochti huun ye nahin hoti hain jab jaaein to dukh kis ko sunaate hain"

"sach ke auraaq pe jhuTon ki kahaani likh kar log hain shaad saraabon ko bhi paani likh kar kyaa kahun khud ko abhi tak na samajh paai mein us ne jaanaan bhi likhaa dushman-e-jaani likh kar khema-e-sabr lagaae ye mohabbat ke safir raat bhar rote rahe tishna-dahaani likh kar dekhnaa phir yahaan sailaab umaD aaegaa chaahe to dekh le ashkon ki ravaani likh kar jo gae vaqt mein khush-haal bataataa thaa hamein aaj baiThaa hai vahi gham ki divaani likh kar zikr aaya jo mohabbat kaa sar-e-bazm 'hiraa' lauT aai main vahaan dard kaa saani likh kar"

"khuun roti hui aqvaam kaa dukh khaa na jaae kahin hangaam kaa dukh chand lafzon mein kahaan aaegaa vaqt-e-rafta tire ayyaam kaa dukh ham ne furqat ki siyah raaton mein oDh rakkhaa thaa tire naam kaa dukh tum ne ban-baas kahaan kaaTaa hai tum na samjhoge kabhi raam kaa dukh tum jo ho shahr-e-tarab ke baasi tum bataaoge hamein shaam kaa dukh is mein gharqaab hue to yaaron ham ne jaanaa hai bahut kaam kaa dukh"

"masarraton ke evaz jo yaaron khamoshiyon ke rafiq honge hamein pata hai vahi tumhaari mohabbaton mein ghariq honge ai ham-safar sun gai ruton ki muhib shab mein bichhaD ke mujh se na sochaa tu ne ki teri furqat ke dasht kitne amiiq honge jo zard rut ki hiraasaton mein hayaat apni guzaarte hain vo log ik din tu dekh lenaa udaasiyon ke fariq honge khulus-o-chaahat vafaa mohabbat ko dekhti huun to sochti huun har aane vaali sadi mein hamdam ye taur kis ke tariq honge main paas aa kar habib tere khamosh lab se yahi kahungi jo izzaton ko bigaaD Daalein vo log kaise shafiq honge"

"dukh ki divaar giraane se rahi yaa'ni main khud ko bachaane se rahi chhoD jaaegi ye reza kar ke zindagi saath nibhaane se rahi dil ne sochaa hai tiri vahshat ko so mujhe niind to aane se rahi dard hote hi chhalak jaaeinge ashk aankhon mein chhupaane se rahi khud hi ahvaal samajh le meraa main tujhe dil to dikhaane se rahi duur ho jaaein andhere mujh se aisi qindil jalaane se rahi ab yahaan ahl-e-sitam rahte hain ab main zanjir hilaane se rahi log mahrum-e-samaaat hain 'hiraa' haal-e-gham un ko sunaane se rahi"

"aaegaa tire paas na duniyaa kaa koi shar ai saahib-e-ausaaf tu vannaas paDhaa kar manzur-e-nazar ahl-e-tarab hi hain tire kyon ham se bhi to tu mil kabhi sahraaon mein aa kar logo ki nigaahon se chhupaaun tujhe kaise ai shakhs tiraa naam to likkhaa hai jabin par ab aankh ke sote se nikaltaa nahin hai khuun ik 'umr hui suukh gayaa dard kaa saaghar tu vaadi-e-gulshan ke ujaDne kaa sabab hai ilzaam ye rakkhaa hai bahaaron ne mire sar"

"haalaat apne zaar na baaghaat khushnumaa tujh se bichhaD ke ho gae maa'zul khush-adaa vaqt-e-zavaal aayaa to pur-khaar ban gayaa vo lahja-e-shagufta vo andaaz-e-dil-rubaa phaili hai chaar su yahaan ghamnaak siyaahi ai rahbaraan-e-shauq rah-e-tiragi miTaa bazm-e-khayaal yuun to bahut taabnaak thi lekin darun-e-dil kaa andheraa na miT sakaa khultaa nahin hai shaakh-e-duaa par koi samar ai bakht ke amiin tu koi mo'jiza dikhaa ab paar kaise aaein bataa rahnumaa-e-vaqt kashti hai aab-gharq to sotaa hai naakhudaa taa-'umr jis ke saath 'hiraa' gaamzan rahe vo shakhs kah rahaa hai hamein aaj be-navaa"

"sach ke auraaq pe jhuTon ki kahaani likh kar log hain shaad saraabon ko bhi paani likh kar kyaa kahun khud ko abhi tak na samajh paai main us ne jaanaan bhi likhaa dushman-e-jaani likh kar khema-e-sabr lagaae ye mohabbat ke safir raat bhar rote rahe tishna-dahaani likh kar dekhnaa phir yahaan sailaab umaD aaegaa chaahe to dekh le ashkon ki ravaani likh kar jo gae vaqt mein khush-haal bataataa thaa hamein aaj baiThaa hai vahi gham ki divaani likh kar zikr aaya jo mohabbat kaa sar-e-bazm 'hiraa' lauT aai main vahaan dard kaa saani likh kar"

"salib-e-vahshat mein qaid ho kar tumhaari furqat manaa rahi huun qarib aao aur aa ke dekho main kaise gham ko baDhaa rahi huun junun ki basti mein aa ke jaanaa maaal main ne mohabbaton kaa so fasl-e-gul ko mohabbaton kaa har ek nauha sunaa rahi huun mire muqaddar mein chaar jaanib hai yuun to vahshat kaa bol-baalaa magar main hamdam tumhaari rah mein gulaab-rut ko bichhaa rahi huun tabib mere khabar hai tum ko miTaane apni ye tira-bakhti main shab ki qirtaas par lahu se tumhaari aankhein banaa rahi huun khushi ke kuchh pal bahaar mujh ko kabhi jo khairaat kar gai thi main khud ko patjhaD-mizaaj kar ke ab us kaa qarza chukaa rahi huun"

"mohabbaton ke hasin khvaab jab se bunne lagi fasurdagi mire dil mein qiyaam karne lagi bichhaD ki us se azizaan-e-gham udaasi to ragon mein barf ki maanind mere jamne lagi ziyaan ki rut mein kabhi sar se aasmaan jo gayaa tire khulus ki chaadar bhi phir sarakne lagi ik aisaa daur bhi aaya thaa raah-e-vahshat mein sadaaein chhoD ke jab main sukut sunne lagi ajiib ranj kaa aalam thaa par ai ham-safaraan mire qarib tiri yaad kyon thirakne lagi"

"khuun roti hui aqvaam kaa dukh khaa na jaae kahin hangaam kaa dukh chand lafzon mein kahaan aaegaa vaqt-e-rafta tire ayyaam kaa dukh ham ne furqat ki siyaah raaton mein oDh rakhaa thaa tire naam kaa dukh tum ne ban-baas kahaan kaaTaa hai tum na samjhoge kabhi raam kaa dukh tum jo ho shahr-e-tarab ke baasi tum bataaoge hamein shaam kaa dukh is mein gharqaab hue to yaaron ham ne jaanaa hai bahut kaam kaa dukh"

"vahshaton ke nagar mein rahte hain yaani zulm-o-zarar mein rahte hain baar sar par uThaae nafrat kaa log shahr-e-khatar mein rahte hain manzilon ki talaash mein ham log raat din bas safar mein rahte hain masnad-e-dil pe jin kaa qabza ho kab vo zer-o-zabar mein rahte hain vo jo rahte the dil ki duniyaa mein ab dukhon ke khanDar mein rahte hain ham vo jiddat-pasand hain jo 'hiraa' kargason ke nagar mein rahte hain"

"dukh ke andhe kuein mein Daal hamein maut aaegi laa-zavaal hamein jaa bhi dekho muhib saae hain is aziyyat se tu nikaal hamein hai ye shaayad guzar mohabbat ki raaste lag rahe hain laal hamein manzilein chhoD rahbaraan-e-junun tu to bas is ghaDi sanbhaal hamein ishq mein ranj-o-aah-e-sozaan hai ab bataataa hai ye hilaal hamein gaanv se teraa kuuch karte hi saans lenaa huaa muhaal hamein"

"bayaabaan se aqidat thi bahut thi bichhaD kar tujh se vahshat thi bahut thi chune phir umr bhar ye zard patte hamein gham se mohabbat thi bahut thi jalaa kar raakh kar Daalaa hai dekho vafaa mein us ki hiddat thi bahut thi hare karti rahi main zakhm saare mujhe aahon se raghbat thi bahut thi bikharnaa ho gayaa thaa laazmi yuun tire lahje mein nakhvat thi bahut thi"