ye jo tum maut se Daraate ho — Iftikhar Haidar

tire baghair guzaaraa nahin kisi surat
use ye baat bataane se baat bigDi hai

shaam hote hi tere hijr kaa dukh
dil mein khema lagaa ke baiTh gayaa

apne lahje pe ghaur kar ke bataa
lafz kitne hain tiir kitne hain

shahr mein thi naa-saaz tabiat beTe ki
gaanv mein baiThi maan ne khaanaa chhoD diyaa

tere qadmon mein aa ke girnaa hai
jis bulandi pe bhi uchhaal mujhe

bijli gai to vo bhi hamaare makaan ki
bijli giri to vo bhi hamaare makaan par

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

ai shahr-e-sitam-zaad tiri umr baDi ho
kuchh aur bataa naql-e-makaani ke alaava

zindagi kaa har ik gham uThaate hue
main sanbhalne lagaa laDkhaDaate hue

ai adam ke musaafiro hoshiyaar
raah mein zindagi khaDi hogi