subh ke bhule to aae shaam ko — Ismail Merathi

thi chheD usi taraf se varna
main aur majaal aarzu ki

dariyaa ki tarah ravaan huun lekin
ab tak bhi vahin huun main jahaan huun

haan dil-e-be-taab chande intizaar
amn-o-raahat kaa Thikaana aur hai

roz-e-jazaa mein aakhir puchhaa na jaaegaa kyaa
teraa ye chup lagaanaa meraa savaal karnaa

samajhte hain sheron ko bhi narm chaara
ghazaalaan-e-shahri se hoshyaar rahnaa

dilbari jazb-e-mohabbat kaa karishma hai faqat
kuchh karaamat nahin jaadu nahin eajaaz nahin

raat ke lamhaat khuni daastaan likhte rahe
subh ke akhbaar mein haalaat behtar ho gae

har ek subh vazu karti hain miri aankhein
ki shaayad aaj to aa jaae vo habib nazar

ye raat yunhi basar ho gai to kyaa hogaa
tire baghair sahar ho gai to kyaa hogaa

jaam-ba-dast-o-mai-ba-jaam yuun hi guzaar subh-o-shaam
ziist ki talkhiyaan mudaam pi ke pilaa ke bhuul jaa

kaash sotaa hi rahun main ki nahin chaahtaa dil
har sahar uTh ke rukh-e-gabr-o-musalmaan dekhun

aati hai yaad subh-e-masarrat ki baar baar
khurshid aate aate use kal uThaa to laa