Khudi Shayari

Dil dhoondta hai phir wahi fursat-e-shab-o-roz
Naaz uthana, naaz uthana, naaz uthana

Khudi ko kar buland itna ke har taqdeer se pehle
Khuda bande se khud pooche, bata teri raza kya hai

maanā ki terī diid ke qābil nahīñ huuñ maiñ
tū merā shauq dekh mirā intizār dekh

yuuñ to qadam qadam pe hai dīvār sāmne
koī na ho to ḳhud se ulajh jaanā chāhiye

hamārā 'mīr'-jī se muttafiq honā hai nā-mumkin
uThānā hai jo patthar ishq kā to halkā bhārī kyā

vo maqāmāt-e-muqaddas vo tire gumbad o qaus
aur mirā aise nishānāt kā zaa.er honā

yuuñ to ham the yūñhī kuchh misl-e-anār-o-mahtāb
jab hameñ aag dikhā.e to tamāshā niklā

sādgī o purkārī be-ḳhudī o hushyārī
husn ko taġhāful meñ jur.at-āzmā paayā

sar pā-e-ḳhum pe chāhiye hañgām-e-be-ḳhudī
rū sū-e-qibla vaqt-e-munājāt chāhiye

ishrat-e-qatra hai dariyā meñ fanā ho jaanā
dard kā had se guzarnā hai davā ho jaanā

itnī pī hai ki ba.ad-e-tauba bhī
be-piye be-ḳhudī sī rahtī hai

dil se miTnā tirī añgusht-e-hinā.ī kā ḳhayāl
ho gayā gosht se nāḳhun kā judā ho jaanā

maanā jīvan meñ aurat ik baar mohabbat kartī hai
lekin mujh ko ye to batā de kyā tū aurat zaat nahīñ

shah-e-be-ḳhudī ne atā kiyā mujhe ab libās-e-barahnagī
na ḳhirad kī baḳhiya-garī rahī na junūñ kī parda-darī rahī

maiñ bhī palkoñ pe sajā lūñgā lahū kī būñdeñ
tum bhī pā-basta-e-zanjīr-e-hinā ho jaanā

hosh vāloñ ko ḳhabar kyā be-ḳhudī kyā chiiz hai
ishq kiije phir samajhiye zindagī kyā chiiz hai

mire junūñ ne zamāne ko ḳhuub pahchānā
vo pairahan mujhe baḳhshā ki paara paara nahīñ

tire va.ade par jiye ham to ye jaan jhuuT jaanā
ki ḳhushī se mar na jaate agar e'tibār hotā

ham ne maanā ki taġhāful na karoge lekin
ḳhaak ho jā.eñge ham tum ko ḳhabar hote tak

be-ḳhudī be-sabab nahīñ 'ġhālib'
kuchh to hai jis kī parda-dārī hai

ḳhudī vo bahr hai jis kā koī kināra nahīñ
tū aabjū ise samjhā agar to chāra nahīñ

dikhā ke jumbish-e-lab hī tamām kar ham ko
na de jo bosa to muñh se kahīñ javāb to de

maiñ nā-murād dil kī tasallī ko kyā karūñ
maanā ki tere ruḳh se nigah kāmyāb hai

ab jafā se bhī haiñ mahrūm ham allāh allāh
is qadar dushman-e-arbāb-e-vafā ho jaanā