Dil Shayari

Dil dhoondta hai phir wahi fursat-e-shab-o-roz
Naaz uthana, naaz uthana, naaz uthana

ranjish hī sahī dil hī dukhāne ke liye aa
aa phir se mujhe chhoḌ ke jaane ke liye aa

maiñ bhī ruk ruk ke na martā jo zabāñ ke badle
dashna ik tez sā hotā mire ġham-ḳhvār ke paas

dost-dār-e-dushman hai e'timād-e-dil ma.alūm
aah be-asar dekhī naala nā-rasā paayā

andāz-e-bayāñ garche bahut shoḳh nahīñ hai
shāyad ki utar jaa.e tire dil meñ mirī baat

baḌe baḌe ġham khaḌe hue the rasta roke rāhoñ meñ
chhoTī chhoTī ḳhushiyoñ se hī ham ne dil ko shaad kiyā

ab to ye aarzū hai ki vo zaḳhm khā.iye
tā-zindagī ye dil na koī aarzū kare

dil nā-umīd to nahīñ nākām hī to hai
lambī hai ġham kī shaam magar shaam hī to hai

dil ajab shahr ki jis par bhī khulā dar is kā
vo musāfir ise har samt se barbād kare

'iqbāl' lakhna.ū se na dillī se hai ġharaz
ham to asiir haiñ ḳham-e-zulf-e-kamāl ke

chalī samt-e-ġhaib siiñ kyā havā ki chaman zuhūr kā jal gayā
magar ek shāḳh-e-nihāl-e-ġham jise dil kaho so harī rahī

vo āshiqī ke khet meñ sābit qadam huā
jo koī zaḳhm-e-ishq liyā dil kī Dhaal par

dil meñ na ho jur.at to mohabbat nahīñ miltī
ḳhairāt meñ itnī baḌī daulat nahīñ miltī

vo ek hī chehra to nahīñ saare jahāñ meñ
jo duur hai vo dil se utar kyuuñ nahīñ jaatā

junūñ ke shahr meñ niiñ kam-ayār kuuñ hurmat
maiñ naqd-e-qalb kuuñ kāñTe meñ dil ke tol chukā

zindagānī kī haqīqat kohkan ke dil se pūchh
jū-e-shīr o tesha o sañg-e-girāñ hai zindagī

gar tujh ko hai yaqīn-e-ijābat duā na maañg
ya.anī baġhair-e-yak-dil-e-be-mudda.ā na maañg

marham tire visāl kā lāzim hai ai sanam
dil meñ lagī hai hijr kī barchhī kī huul aaj

dil se jo baat nikaltī hai asar rakhtī hai
par nahīñ tāqat-e-parvāz magar rakhtī hai

faqat nigāh se hotā hai faisla dil kā
na ho nigāh meñ shoḳhī to dilbarī kyā hai

ishq kā duur kare dil se jo dhaḌkā ta.avīz
is dhaḌāke kā koī ham ne na dekhā ta.avīz

chamak hai dard hai kauñdan paḌī hai huuk uThtī hai
mire pahlū meñ kyuuñ yaaro ye dil hai yā ki phoḌā hai

bārhā terā intizār kiyā
apne ḳhvāboñ meñ ik dulhan kī tarah

dushmanī laakh sahī ḳhatm na kiije rishta
dil mile yā na mile haath milāte rahiye