Maa Shayari

sau sau umīdeñ bañdhtī hai ik ik nigāh par
mujh ko na aise pyaar se dekhā kare koī

dil nā-umīd to nahīñ nākām hī to hai
lambī hai ġham kī shaam magar shaam hī to hai

kabhī kisī ko mukammal jahāñ nahīñ miltā
kahīñ zamīn kahīñ āsmāñ nahīñ miltā

rahī na tāqat-e-guftār aur agar ho bhī
to kis umiid pe kahiye ki aarzū kyā hai

na būjho āsmāñ par tum sitāre
hamārī aah kī chingāriyāñ haiñ

yahī hai zindagī kuchh ḳhvāb chand ummīdeñ
inhīñ khilaunoñ se tum bhī bahal sako to chalo

zarā jo ham ne unheñ aaj mehrbāñ dekhā
na ham se pūchhiye kyā rañg-e-āsmāñ dekhā

bāzār-e-bosa tez se hai tez-tar 'zafar'
ummīd to nahīñ ki ye mahñgā.ī ḳhatm ho

kufr-o-īmāñ do nadī haiñ ishq kiiñ
āḳhirash dono kā sañgam hovegā

na jaane kis liye ummīd-vār baiThā huuñ
ik aisī raah pe jo terī rahguzar bhī nahīñ

āsmāñ par koī tasvīr banātā huuñ 'zafar'
ki rahe ek taraf aur lage chāroñ taraf

maiñ nā-murād dil kī tasallī ko kyā karūñ
maanā ki tere ruḳh se nigah kāmyāb hai

ne tiir kamāñ meñ hai na sayyād kamīñ meñ
goshe meñ qafas ke mujhe ārām bahut hai

ham kahāñ ke daanā the kis hunar meñ yaktā the
be-sabab huā 'ġhālib' dushman āsmāñ apnā

baiThā hai jo ki sāya-e-dīvār-e-yār meñ
farmāñ-ravā-e-kishvar-e-hindūstān hai

nākāmi-e-nigāh hai barq-e-nazārā-soz
tū vo nahīñ ki tujh ko tamāshā kare koī

le to luuñ sote meñ us ke paañv kā bosa magar
aisī bātoñ se vo kāfir bad-gumāñ ho jā.egā

tamām shahr meñ aisā nahīñ ḳhulūs na ho
jahāñ umiid ho is kī vahāñ nahīñ miltā

ab tak dil-e-ḳhush-fahm ko tujh se haiñ umīdeñ
ye āḳhirī sham.eñ bhī bujhāne ke liye aa

huuñ giraftār-e-ulfat-e-sayyād
varna baaqī hai tāqat-e-parvāz

tū shāhīñ hai parvāz hai kaam terā
tire sāmne āsmāñ aur bhī haiñ

ġhulāmī meñ na kaam aatī haiñ shamshīreñ na tadbīreñ
jo ho zauq-e-yaqīñ paidā to kaT jaatī haiñ zanjīreñ

muddat huī hai yaar ko mehmāñ kiye hue
josh-e-qadah se bazm charāġhāñ kiye hue

koshish bhī kar umiid bhī rakh rāsta bhī chun
phir is ke baa'd thoḌā muqaddar talāsh kar