Sufi Shayari

Khudi ko kar buland itna ke har taqdeer se pehle
Khuda bande se khud pooche, bata teri raza kya hai

vatan ki fikr kar naadaan musibat aane vaali hai
tiri barbaadiyon ke mashvare hain aasmaanon mein

dil ajab shahr ki jis par bhi khulaa dar is kaa
vo musaafir ise har samt se barbaad kare

ham se khul jaao ba-vaqt-e-mai-parasti ek din
varna ham chheDeinge rakh kar uzr-e-masti ek din

jo khushaamad kare khalq us se sadaa raazi hai
sach to ye hai ki khushaamad se khudaa raazi hai

zaraa jo ham ne unhein aaj mehrbaan dekhaa
na ham se puchhiye kyaa rang-e-aasmaan dekhaa

gavaahi kaise TuTti muaamla khudaa kaa thaa
miraa aur us kaa raabta to haath aur duaa kaa thaa

yaa rab hamein to khvaab mein bhi mat dikhaaiyo
ye mahshar-e-khayaal ki duniyaa kahein jise

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

mir-e-arab ko aai ThanDi havaa jahaan se
meraa vatan vahi hai meraa vatan vahi hai

dil hi to hai siyaasat-e-darbaan se Dar gayaa
main aur jaaun dar se tire bin sadaa kiye

khudaa aabaad rakkhe mai-kade ko
bahut saste chhuTe duniyaa-o-din se

ab jafaa se bhi hain mahrum ham allaah allaah
is qadar dushman-e-arbaab-e-vafaa ho jaanaa

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di

hakim o aarif o suufi tamaam mast-e-zahur
kise khabar ki tajalli hai ain-e-masturi

na itnaa zulm kar ai chaandni bahr-e-khudaa chhup jaa
tujhe dekhe se yaad aataa hai mujh ko maahtaab apnaa

meri ghurbat ko sharaafat kaa abhi naam na de
vaqt badlaa to tiri raae badal jaaegi

main tujh ko bataataa huun taqdir-e-umam kyaa hai
shamshir-o-sinaan avval taaus-o-raubaab aakhir

mai-khaane mein kyuun yaad-e-khudaa hoti hai aksar
masjid mein to zikr-e-mai-o-minaa nahin hotaa

vo buton ne Daale hain vasvase ki dilon se khauf-e-khudaa gayaa
vo paDi hain roz qayaamatein ki khayaal-e-roz-e-jazaa gayaa

khulegaa kis tarah mazmun mire maktub kaa yaa rab
qasam khaai hai us kaafir ne kaaghaz ke jalaane ki

aabaad karein baada-kash allaah kaa ghar aaj
din juma kaa hai band hai mai-khaane kaa dar aaj

saraapaa rehn-e-ishq-o-naa-guzir-e-ulfat-e-hasti
ibaadat barq ki kartaa huun aur afsos haasil kaa

anokhi vaza hai saare zamaane se niraale hain
ye aashiq kaun si basti ke yaa-rab rahne vaale hain