Dosti Shayari

saare jahāñ se achchhā hindostāñ hamārā
ham bulbuleñ haiñ is kī ye gulsitāñ hamārā

dost-dār-e-dushman hai e'timād-e-dil ma.alūm
aah be-asar dekhī naala nā-rasā paayā

tum takalluf ko bhī iḳhlās samajhte ho 'farāz'
dost hotā nahīñ har haath milāne vaalā

ḳhud apne se milne kā to yaarā na thā mujh meñ
maiñ bhiiḌ meñ gum ho ga.ī tanhā.ī ke Dar se

sau sau umīdeñ bañdhtī hai ik ik nigāh par
mujh ko na aise pyaar se dekhā kare koī

jo ġhair the vo isī baat par hamāre hue
ki ham se dost bahut be-ḳhabar hamāre hue

maktab-e-ishq kā moallim huuñ
kyuuñ na ho.e dars-e-yār kī takrār

junūñ ke shahr meñ niiñ kam-ayār kuuñ hurmat
maiñ naqd-e-qalb kuuñ kāñTe meñ dil ke tol chukā

qismat meñ gar hamārī ye mai hai to sāqiyā
be-iḳhtiyār aap se shīsha karegā jast

maz.hab nahīñ sikhātā aapas meñ bair rakhnā
hindī haiñ ham vatan hai hindostāñ hamārā

sādgī o purkārī be-ḳhudī o hushyārī
husn ko taġhāful meñ jur.at-āzmā paayā

rahegā saath tirā pyaar zindagī ban kar
ye aur baat mirī zindagī vafā na kare

subūt-e-ishq kī ye bhī to ek sūrat hai
ki jis se pyaar kareñ us pe tohmateñ bhī dhareñ

chamak hai dard hai kauñdan paḌī hai huuk uThtī hai
mire pahlū meñ kyuuñ yaaro ye dil hai yā ki phoḌā hai

ġham-e-duniyā bhī ġham-e-yār meñ shāmil kar lo
nashsha baḌhtā hai sharābeñ jo sharāboñ meñ mileñ

jazba-e-be-iḳhtiyār-e-shauq dekhā chāhiye
sīna-e-shamshīr se bāhar hai dam shamshīr kā

ye kahāñ kī dostī hai ki bane haiñ dost nāseh
koī chārasāz hotā koī ġham-gusār hotā

hijr kī rātoñ meñ lāzim hai bayān-e-zulf-e-yār
niiñd to jaatī rahī hai qissa-ḳhvānī kījiye

kis tarah apnī mohabbat kī maiñ takmīl karūñ
ġham-e-hastī bhī to shāmil hai ġham-e-yār ke saath

hindostāñ meñ dhuum hai kis kī zabān kī
vo kaun hai 'riyāz' ko jo jāntā nahīñ

kyuuñ jal gayā na tāb-e-ruḳh-e-yār dekh kar
jaltā huuñ apnī tāqat-e-dīdār dekh kar

gunjā.ish-e-adāvat-e-aġhyār yak taraf
yaañ dil meñ zof se havas-e-yār bhī nahīñ

lagī thī jaan kī baazī bisāt ulaT Daalī
ye khel bhī hameñ yāroñ ne hārne na diyā

ai nasīm-e-saharī bū-e-mohabbat le aa
turra-e-yār satī itr kī mahkār kuuñ khol